«Štodzień rabočyja siadziać na raskładzienym kala doma śmiećci i papivajuć piva»
Žychar Maładziečna napisaŭ, jak adbyvajecca padrychtoŭka da «Dažynak» u asobna ŭziatym domie.
Žychar Maładziečna napisaŭ, jak adbyvajecca padrychtoŭka da «Dažynak» u asobna ŭziatym domie.
U redakcyju «NN» źviarnuŭsia žychar Maładziečna, dzie, jak viadoma, sioleta adbudziecca śviatkavańnie «Dažynak». Jon paskardziŭsia na toje, jakim čynam adbyvajecca ramont adnaho z damoŭ. Da lista jon prykłaŭ niekalki dziasiatkaŭ fota. Pavodle jaho słovaŭ, ramont ciahniecca nie adzin miesiac. Z pašpartu abjektu ž vynikaje, što ramont musiŭ pačacca ŭ lutym i skončycca praź miesiac.
«Dom numar 54 pa vulicy Vialiki Haściniec ramantujuć užo 4-y miesiac. Pakul jaho žychary atrymlivajuć tolki straty. Kožny, navat nievialiki doždž vyklikaje patop na 2-ch pavierchach»— piša jon. Voś jak, pa jaho słovach, vyhladaje pracoŭny dzień ramontnikaŭ: «Kožny dzień, u luby čas dnia, vychodziačy z domu, ja naziraju tolki karcinu, jak rabočyja siadziać na raskładzienym kala doma śmiećci i papivajuć piva. Dobra, kali jany naohuł znachodziacca na abjekcie, niekalki tydniaŭ ich nie było ni vidać, ni čuvać».
Žychar doma skardzicca, što ich dvor bolš padobny na vielizarnuju zvałku, dzie valajecca ŭsio — ad žaleźzia da staroha šyfieru.
Dalej jon pieraličvaje straty, jakija nibyta panieśli žychary doma ŭ časie ramontu. U vyniku taho, što rabočyja padpirali ŭvachodnyja dźviery i nie vyklučali pry hetym damafon, apošni sapsavaŭsia. A nabyvali jaho žychary na ŭłasnyja srodki.
Paśla mocnaha daždžu na trecim paviersie zaliło try kvatery. Adna z zatoplenych kvater u svaju čarhu padtapiła žytło paviercham nižej. Akramia taho, vadoj zaliło padjezd, jaki žychary doma ramantavali taksama samastojna.Aburany mužčyna zadajecca pytańniem, chto budzie kampiensavać naniesienuju škodu.
U infarmacyjnym adździele budaŭničaj firmy «Siervis Tek Kampanija» (Mahiloŭ), jakaja zajmajecca ramontam doma №54, karespandentu «NN» spačatku paraili patelefanavać praz hadzinu, kab pačuć kamientar dyrektara. Praz hadzinu adkazali, što kiraŭnictva, na žal, adsutničaje.
I dadali, što pa ich źviestkach, na aznačanym abjekcie ŭ Maładziečna ŭ kampanii nijakich surjoznych prablem nie zafiksavana.My pieradali pretenzii žycharoŭ doma ŭ Maładziečnie kiraŭnictvu «Siervis Tek Kampanija».
***
Mahiloŭskaja budaŭničaja firma «Siervis Tek Kampanija» pracuje pa ŭsioj terytoryi Biełarusi. Na jaje sajcie raźmieščanyja rekamiendacyjnyja i ŭchvalnyja listy ad Mahiloŭskaha budaŭničaha trestu №12, Upraŭleńnia kamunalnych pradpryjemstvaŭ Mahilova i taksama kalehaŭ-pryvatnikaŭ.
-
Pryznačeńnie Muraviejki ŭ Administracyju — heta kambinacyja Łukašenki, sens jakoj pakul niezrazumieły
-
Piter Cil: Zachad uratujuć nie pryhožyja słovy, a ciažkaja praca. Hałoŭny pryncyp maje być «spracoŭvaje ci nie spracoŭvaje»
-
Kłaskoŭski: Kali kalij pojdzie praz Kłajpiedu, heta źnizić zaležnaść Biełarusi ad Rasii
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary