Pra heta pišuć amierykanskija analityki Devid Krejmier i Ues Mitčeł.
«Žorstkaja dyktatura na parozie Jeŭrasajuza nieprymalnaja i supiarečyć šmathadovaj kancepcyi bačańnia Jeŭropy jak «adzinaj, svabodnaj i mirnaj» prastory. Kali Łukašenka pasprabuje praciahnuć svaju ŭładu za košt prodažu kaštoŭnych ekanamičnych aktyvaŭ krainy Maskvie, jon asłabić biełaruskuju niezaležnaść i stabilnaść. Voś čamu, uzmacniajučy cisk na režym, Zachad taksama pavinien padrychtavać pakiet ekanamičnaj i palityčnaj dapamohi na vypadak, kali Łukašenka źbiažyć ci budzie tak ci inakš adchileny ad ułady. Atačeńnie Łukašenki pavinna heta viedać: «śvietłaja budučynia» mahčyma tolki paśla taho, jak Łukašenka sydzie, ale atačeńnie taksama pavinna razumieć, što zamiena adnaho dyktatara druhim nie vyrašyć prablemy. Heta nie toje, što biełarusy prymuć, što biełarusy zasłuhoŭvajuć.
Biezumoŭnaje vyzvaleńnie ŭsich palityčnych źniavolenych, spynieńnie represiŭnych mier, padtrymka niezaležnych srodkaŭ masavaj infarmacyi i hramadzianskaj supolnaści, pavaha da viaršenstva zakona, svabodnyja i kankurentnyja vybary vielmi važnyja dla taho, kab Biełaruś zaniała vartaje miesca ŭ jakaści jeŭrapiejskaj dziaržavy. Biełaruś biez Łukašenki -- a stanovicca ŭsio bolš vidavočna, što dni jaho paličany -- budzie aznačać, što adnym dyktataram u śviecie stanie mienš. Heta toje, čamu ŭsie my zmožam apładziravać», -- pišuć jany.
