Bolšaść zatrymanych 6 lipienia ŭdzielnikaŭ akcyi pratestu pakaranyja aryštami 1

Pavodle źviestak pravaabaroncaŭ, u Minsku asudžanyja 119 udzielnikaŭ akcyi maŭklivaha pratestu 6 lipienia. Usiaho ŭ stalicy było zatrymana prykładna 190 čałaviek.

Asudžanyja pakaranyja administracyjnymi aryštami na termin ad 5 da 15 sutak i štrafami ŭ pamiery ad 10 da 30 bazavych vieličyń. Astatni zatrymanyja byli adpuščanyja biez sankcyj. Źviestak pra asudžanych pa rehijonach u pravaabaroncaŭ pakul niama.

Raniej paviedamlałasia, što padčas akcyi maŭklivaha pratestu viečaram 6 lipienia ŭ roznych haradach Biełarusi było zatrymana kala 400 čałaviek. Heta — źviestki pravaabaroncaŭ. Aficyjnaja infarmacyja pa zatrymanych tak i nie była abnarodavana.

Usiaho z 8 červienia za čas praviadzieńnia akcyj maŭklivaha pratesu, arhanizavanych internet-supolnaściu «Revalucyja praz sacyjalnyja sietki», u Biełarusi było zatrymana kala 1.730 čałaviek, u tym liku 77 žurnalistaŭ. Pavodle źviestak RHA «Biełaruskaja asacyjacyja žurnalistaŭ», 15 červienia było zatrymana dzieviać rabotnikaŭ ŚMI, 22 červienia — vosiem, 29 červienia — 12, 3 lipienia — 20. Najbolšaja kolkaść žurnalistaŭ — 28 čałaviek — zatrymana padčas apošniaj akcyi, 6 lipienia.

Arhanizatary akcyj maŭklivaha pratestu zajaŭlajuć ab namiery praciahvać ich, niahledziačy na represii z boku ŭład.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH