Na kurorcie ŭ bałharskim horadzie Kiten adbyłosia masavaje atručvańnie biełaruskich dziaciej, paviedamili BiełaPAN u pasolstvie Biełarusi ŭ Bałharyi.
11 lipienia ŭ pasolstva pastupiła infarmacyja pra masavaje atručvańnie biełaruskich dziaciej, jakija adpačyvajuć u hateli «Hryn Park» u Kitenie (paŭdniovaja častka čarnamorskaha ŭźbiarežža Bałharyi).
Padčas vyśviatleńnia situacyi było ŭstanoŭlena, što ŭ hetym hateli adpačyvaje try hrupy biełaruskich dziaciej ahulnaj kolkaściu kala 130 čałaviek va ŭzroście da 18 hadoŭ. Charčavańnie ažyćciaŭlajecca pa pryncypie «ŭsio ŭklučana». Tym nie mienš, vychavalniki śćviardžajuć, što nie ŭsie dzieci byli zabiaśpiečanyja pitnoj vadoj.
«Dzieci i kiraŭniki hrup adznačyli, što ŭ piatnicu i subotu vadapravodnaja vada mieła ŭstojlivy niepryjemny pach. U subotu prykładna na praciahu troch hadzin u hateli źlivali vadapravodnuju vadu. U hety ž čas byli adznačanyja pieršyja vypadki zachvorvańnia dziaciej z prykmietami vysokaj tempieratury, mocnaj irvoty, ahulnaj słabaści», — paviedamili ŭ pasolstvie.
Pavodle danych biełaruskich dypłamataŭ, pik zachvorvańnia prypaŭ na niadzielu, 10 lipienia.
U ahulnaj składanaści ŭ toj ci inšaj stupieni zachvareli prykładna ad 70 da 80% ad ahulnaha liku biełaruskich dziaciej.Byli vyklikanyja daktary. Miedycynskuju dapamohu akazvali daktary, vyklikanyja biełaruskaj strachavoj kampanijaj «TASK», a taksama lekar, jaki supravadžaŭ adnu z hrup biełaruskich dziaciej. Zachvarełym byli vydadzienyja tabletki, zroblenyja ŭkoły, niekatorym pastaŭlenyja kropielnicy.
Pavodle słoŭ vychavalnikaŭ, dziakujučy svoječasovaj miedycynskaj dapamozie ŭdałosia paźbiehnuć špitalizacyi dziaciej.
Jak padkreślili ŭ pasolstvie, ciapier situacyja znachodzicca pad kantrolem. Stan bolšaści zachvarełych dziaciej zdavalniajučy, u niekatorych zachoŭvajucca astatkavyja ź`iavy. Bok, jaki prymaje, skarektavaŭ charčavańnie z ulikam charaktaru zachvorvańnia.
Pavodle słoŭ pradstaŭnika bałharskaj strachavoj kampanii «Korys», u hateli ŭziatyja proby vady i ježy dla daśledavańnia.
Pavodle najaŭnaj infarmacyi, masava atrucilisia na hetym kurorcie nie tolki biełaruskija dzieci, ale i dzieci z Rasii, Ukrainy i inšych krain.
