Były kaleha kiraŭnika Nacbanka Biełarusi Piatra Prakapoviča, ukrainski bankir i inviestar Siarhiej Cihipka, stanie saŭładalnikam Homielskaha vahonaramontnaha zavoda.
Niekalki hadoŭ były ministr ekanomiki i kiraŭnik Nacbanka Ukrainy sprabavaŭ adkryć u Biełarusi bank, ale admoviŭsia ad hetaha prajektu. Ciapier adno z pradpryjemstvaŭ, jakoje ŭvachodzić u jaho
Zhodna z ukazam prezidenta da kanca hoda tam budzie stvoranaje ZAT «Homielski vahonaramontny zavod». Ź biełaruskaha boku jaho zasnavalnikam stanie dziaržaŭny Homielski vahonaramontny zavod (jon uniasie ŭ statutny fond majomaść na sumu 40,428 młrd rubloŭ). KVBZ u svaju čarhu apłacić svaju dolu hrašyma ŭ abjomie 7,267 młrd rubloŭ. Akcyi na sumu 40,428 młrd rubloŭ piarojduć u kiravańnie Biełaruskaj čyhunki.
Supracoŭnictva pamiž dvuma pradpryjemstvami pačałosia ŭ 2008 hodzie, kali było zaklučanaje pahadnieńnie ab sumiesnym budaŭnictvie 125 vahonaŭ na praciahu 5 hadoŭ. Ukraincy ŭ jaho ramkach pastaŭlali ŭ Homiel kamplektavalnyja dla zborki čyhunačnych pasažyrskich vahonaŭ. Užo tady ŭładalniki KVBZ zajavili ab svaich namierach udzielničać u pryvatyzacyi Homielskaha vahonaramontnaha zavoda.
Akramia Cihipka akcyjanierami KVBZ, jaki źjaŭlajecca najbujniejšym u SND vytvorcam pasažyrskich i hruzavych vahonaŭ, źjaŭlajecca hrupa «Pryvat». Jaje ŭładalniki — ukrainskija miljardery Ihar Kałamojski i Hienadź Bahalubaŭ.
Nahadajem, što jašče adzin bujny prajekt, źviazany z transpartnym mašynabudavańniem, realizuje ŭ Asipovičach rasijski biznesoviec Michaił Rabinovič. Jon źjaŭlajecca ŭładalnikam kantrolnaha pakieta SZAT «Asipovicki vahonabudaŭničy zavod». Hety prajekt finansujecca u tym liku i za košt srodkaŭ Jeŭrazijskaha banka rekanstrukcyi i raźvićcia.
