Sud Leninskaha rajona Hrodna aštrafavaŭ haradzienskaha karespandenta Michała Karnieviča na 1 miljon 50 tysiač rubloŭ nibyta za ŭdzieł u niesankcyjanavanaj akcyi 3 lipienia. Heta adbyłosia niahledziačy na toje, što ŭ sud byŭ pradstaŭleny dakumient, što Michał vykonvaŭ redakcyjnaje zadańnie.
Michał Karnievič źbirajecca abskardzić hetaje rašeńnie ŭ abłasnym sudzie, bo ličyć svaju spravu sfabrykavanaj:
«Siońnia na praces pryjšoŭ druhi śviedka-milicyjant, jaki byŭ nie ŭpeŭnieny, ci zatrymlivaŭ jon mianie, skazaŭ tolki, što jamu znajomy moj tvar. Nie moh adkazać na pytańni, u što ja byŭ apranuty, dzie znachodziŭsia, nie moh patłumačyć, kali i jak jon składaŭ na mianie pratakoł. Paśla ŭsiaho hetaha sudździa Dźmitry Kiedal apuściŭ hałavu i skazaŭ: «30 bazavych. Kali nie zhodnyja — abskardžvajcie».
Žurnalista Svabody zatrymali padčas maŭklivaj akcyi 3 lipienia i abvinavacili ŭ tym, što jon braŭ udzieł u niesankcyjanavanym šeści.
«Ja vykonvaŭ tam svaje słužbovyja abaviazki, znachodziŭsia na vulicy Savieckaj i z boku prosta rabiŭ fatazdymki. U šeści ŭdziełu nie braŭ. Mianie tady zabrali, niahledziačy na toje, što ja pradjaviŭ svaju akredytacyju, i ŭ pastarunku skłali pratakoł. U sudzie ŭžo śviedčyŭ pieršy śviedka, jakoha ja nie bačyŭ. Jon skazaŭ, što zabiraŭ mianie na inšym baku vulicy, dzie ja naahuł nie byŭ. Siońnia ŭ sudzie pakazali videa, dzie ja krychu milhanuŭ, dzie ja prosta rablu zdymak. Milicyjant, jaki mianie zatrymlivaŭ, napisaŭ, što zatrymlivaŭ mianie razam z tym ža śviedkam i što ja braŭ udzieł u šeści. Ja zapatrabavaŭ, kab u sud vyklikali milicyjanta, jaki pisaŭ rapart i jaki mianie zatrymlivaŭ».
