Miaśnikovič u Maskvie: Biełaruś u poŭnym abjomie vykanaje ŭmovy pa kredycie JeŭrAzES 10

Premjer prapanavaŭ rasijskim i kazachskim biznesoŭcam uziać udzieł u pryvatyzacyi ŭ Biełarusi.

Biełaruś u poŭnym abjomie prymaje uziatyja na siabie abaviazacielstvy ŭ ramkach kredytnaj padtrymki Antykryzisnaha fondu JeŭrAzES. Ab hetym zajaviŭ prem'jer-ministr Biełarusi Michaił Miaśnikovič, vystupajučy ŭ Maskvie na kanfierencyi «Ad Mytnaha sajuza da AEP: intaresy biznesu». «Heta datyčyć abmiežavańnia biudžetnych asihnavańniaŭ, vypłat, rostu dachodaŭ i mnohich inšych pytańniaŭ», — skazaŭ jon.

Taksama jon zaklikaŭ rasijski i kazachski biźnies ŭdzielničać u pryvatyzacyi biełaruskich pradpryjemstvaŭ. «My chacieli b vyłučyć ceły šerah kirunkaŭ, u pieršuju čarhu, chimičnuju pramysłovaść, bo, mnie zdajecca, my zanadta zacyklilisia na pytańniach naftapierapracoŭki i handli naftapraduktami».

Jak adznačyŭ premjer, mohuć być pryvatyzavanyja abjekty farmaceŭtyki, mikraelektroniki i mabilnaj suviazi. Jon nie vyklučyŭ i pryvatyzacyi ŭ śfiery mašynabudavańnia i mietałurhii.

Miaśnikovič taksama zajaviŭ ab nieabchodnaści farmavańnia adzinaha abaronnaha zakazu usimi dziaržavami Mytnaha sajuza. «Kali jaho nie budzie, to nie budzie VPK abjadnanaha, i abjadnanaje vajskova-techničnaje supracoŭnictva budzie niepaŭnavartasnym», -= skazaŭ jon.

Miaśnikovič taksama paabiacaŭ, što kraina vyjdzie z ekanamičnych prablem za dva-try miesiacy. «Heta datyčyć i palityki abmiennaha kursa, i vyraŭnoŭvańnia cenaŭ i šmatlikich inšych važnych faktaraŭ», — rastłumačyŭ jon.

0

0

0

0

0

0

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH