Ukraina ličyć niapravilnym udzieł svaich hramadzian u maŭklivych akcyjach pratestu na terytoryi Biełarusi. Pra heta zajaviŭ dyrektar departamienta infarmacyjnaj palityki Ministerstva zamiežnych spraŭ Ukrainy Aleh Vałošyn 12 červienia na bryfinhu ŭ Kijevie.
«Kali našy hramadzianie biaruć udzieł u akcyjach niepadparadkavańnia ŭ Biełarusi, to heta niapravilna, pakolki heta ŭnutranaja sprava samoj Biełarusi», — cytuje Vałošyna RIA Novosti.
Pry hetym Vałošyn padkreśliŭ, što MZS Ukrainy budzie žorstka reahavać na zatrymańnie ŭkrainskich hramadzian, jakija vypadkova apynulisia pablizu ad miescaŭ praviadzieńnia akcyj pratestu. «My budziem patrabavać samym žorstkim čynam ad našych biełaruskich kalehaŭ tłumačeńniaŭ z nahody takich zatrymańniaŭ ukrainskich hramadzian», — zajaviŭ jon.
MZS Ukrainy taksama nastojvaje na tłumačeńniach biełaruskaha boku z nahody zatrymańnia ŭkrainskaha hramadzianina ŭ Minsku. «My vielmi raźličvajem i spadziajemsia, što najbližejšym časam biełaruskija kalehi vyzvalać našaha hramadzianina. Pasolstva Ukrainy, jakoje daviedałasia pra jaho zatrymańnie, u momant źviarnułasia ab nieabchodnaści jaho vyzvaleńnia. My taksama patrabujem dać tłumačeńni», — pryvodzić słovy Vałošyna
Jon padkreśliŭ, što ŭ vypadku, kali «ŭkrainski hramadzianin byŭ zatrymany biez kankretnych i zakonnych padstaŭ, MZS Ukrainy budzie reahavać».
Jak paviedamlałasia raniej, padčas adnoj z akcyj maŭklivaha pratestu ŭ pačatku lipienia ŭ Minsku byŭ zatrymany i asudžany na 10 sutak administracyjnaha aryštu hramadzianin Ukrainy.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary