Astapovič źviarnuŭsia da Łatuški z adkrytym listom nakont źniščeńnia histaryčnaj zabudovy ŭ Pinsku

Staršynia tavarystva achovy pomnikaŭ Anton Astapovič źviarnuŭsia z adkrytym listom da ministra kultury Paŭła Łatuški. Nahodaj dla hetaha stali padziei ŭ Pinsku, dzie miascovyja ŭłady sankcyjanavali znos histaryčnaj zabudovy.

“Šanoŭny Pavieł Paŭłavič!

U adpaviednaści z Vašym daručeńniem 05.07.2011 h. adbyłosia vyjaznoje pasiadžeńnie Biełaruskaj respublikanskaj navukova-mietadyčnaj rady pa pytańniach historyka-kulturnaj spadčyny pry Ministerstvie kultury Respubliki Biełaruś, na jakim byli pryniaty rašeńni ab vyvadzie ź Dziaržaŭnaha śpisu historyka-kulturnych kaštoŭnaściaŭ damoŭ na vuł. Irkucka-Pinskaj dyvizii, 2, vuł. Zavalnaj, 27 i ab znosie z umovaj adnaŭleńnia na terytoryi histaryčnaha centra Pinska domu pa vuł. Pieršamajskaj, 34.

Dadzienaje rašeńnie ŭ čarhovy raz pryniata navukova-mietadyčnaj radaj z hrubiejšymi parušeńniami dziejučaha zakanadaŭstva ŭ śfiery achovy historyka-kulturnaj spadčyny. Tak, rašeńnie ab pazbaŭleńni statusa historyka-kulturnaj kaštoŭnaści dvuch historyka-kulturnych abjektaŭ parušaje p. 3 art. 23 Zakona “Ab achovie historyka-kulturnaj spadyjany Respubliki Biełaruś”, jaki havoryć, što Materyjalnyja abjekty i niemateryjalnyja prajaŭlenni tvorčasci čałavieka Savietam Ministraŭ Respubliki Biełaruś mohuć być pazbaŭleny statusu historyka-kulturnaj kaštoŭnasci ŭ vypadku straty imi ich admietnych duchoŭnych, mastackich i (abo) dakumientalnych vartaściej, jakija abumovili nadańnie im statusu historyka-kulturnaj kaštoŭnasci, a taksama ŭ vypadku ich zniščeńnia, straty ci zniknieńnia ŭ vyniku ŭździejańnia pryrodnych faktaraŭ abo inšych situacyj pry niemahčymasci ich adnaŭleńnia.

Navukova-mietadyčnaja rada ŭ dačynieńni da historyka-kulturnych kaštoŭnaściej pa vuł. Irkucka-Pinskaj dyvizii, 2 i pa vuł. Zavalnaj, 27 pry pazbaŭleńni ich statusa historyka-kulturnaj kaštoŭnaści kiravałasia, pa-pieršaje, ich techničnym stanam, što niezakonna, pa-druhoje, prakładkaj novaj mahistrali ŭ histaryčnym centry Pinska. Histaryčny centr Pinska sam pa sabie źjaŭlajecca historyka-kulturnaj kaštoŭnaściu 2-j katehoryi, dzie pad achovaj dziaržavy znachodziacca nie tolki budynki i zbudavańni, ale i samy hałoŭny kampanient histaryčnych centraŭ, jak kompleksnych historyka-kulturnych kaštoŭnaściaŭ – histaryčnaja płanirovačnaja struktura, jakaja pabudovaj novaj mahistrali budzie parušana, i dziela hetaha parušeńnia, nie “zaŭvažanaha” ni ŭpraŭleńniem pa achovie historyka-kulturnaj spadčyny i restaŭracyi, ni navukova-mietadyčnaj radaj, pravodzicca uzhadnieńnie ab demantažy pomnikaŭ. Hetaje rašeńnie było pryniata, kab “uzakonić” jašče adno parušeńnie.

Praktyka ŭzhadnieńniaŭ z parušeńniami zakanadaŭstva z boku navukova-mietadyčnaj rady i ŭpraŭleńnia pa achovie historyka-kulturnaj spadčyny stali sistematyčnymi, pra što nieadnarazova paviedamlałasia Vam Biełaruskim dobraachvotnym tavarystvam achovy pomnikaŭ historyi i kultury. Pra hetuju prablemu była havorka na naradzie z Vašym udziełam 27.06.2011 h. na prykładzie rašeńniaŭ navukova-mietadyčnaj rady ad 02.06.2011 h., jakija taksama ŭ čarhovy raz byli pryniaty z parušeńniami narmatyŭna-pravavych aktaŭ u śfiery achovy spadčyny.

Darečy, supracoŭniki ŭpraŭleńnia pa achovie historyka-kulturnaj spadčyny i restaŭracyi ŭžo sistematyčna ihnarujuć nie tolki zakanadaŭstva ŭ śfiery achovy historyka-kulturnaj spadčyny i restaŭracyi, ale i ŭ śfiery dakumientazvarotu i ihnarujuć navat Vašyja daručeńni. Tak da hetaha času Vašymi padnačalenymi nie zabiaśpiečany adkazy na zvaroty HA BDTAPHK ad 05.05.2011 h. № 64 i ad 30.05.2011 h. № 79 ab razhladzie ŭ vykanańni rašeńnia Hramadskaj naziralnaj kamisii pry Ministerstvie kultury Respubliki Biełaruś pa achovie historyka-kulturnaj spadčyny prajekta adnaŭleńnia Minskaha zamčyšča, jaki raspracavany śpiecyjalistami Tavarystva navukova-mietadyčnaj radaj, i ab nieadpaviednaści S.Bahłasava pasadzie navukovaha kiraŭnika histaryčnaha centra Minska. Da hetaha ž času nie pradstaŭleny adkaz na list, nakiravany na Vašaje imia ad 07.06.2011 h. № 80, pa źmiestu jakoha i adbyvałasia vyšejnazvanaja narada 27.07.2011 h. I, adpaviedna, nie pradstaŭlena infarmacyja, jak supracoŭnikami upraŭleńnia pa achovie historyka-kulturnaj spadčyny pravodzicca vykanańnie Vašych daručeńniaŭ pa vypraŭleńniu situacyi ź niepravavymi rašeńniami rady ad 02.06.2011 h. pa architekturna-płanirovačnamu rašeńniu dvaravoj zabudovy byłoha biernardynskaha klaštara ŭ Minsku i pa pierabudovie adnaho z budynkaŭ Babrujskaj krepaści pad kultavuju pabudovu, što robicca z poŭnym ihnaravańniem dziejučaha zakanadaŭstva.

Pavažany Pavieł Paŭłavič!

Užo, na žal, u Ministerstvie kultury skłałasia vielmi niehatyŭnaja tendencyja tatalnaha nievykanańnia zakanadaŭstva Respubliki Biełaruś u śfiery achovy historyka-kulturnaj spadčyny. I, jak heta ni prykra, dadzienaja tendencyja ŭzmacniajecca na fonie Vašych rehularnych aficyjnych zajavaŭ, u jakich achova spadčyny nazyvajecca pryjarytetnym nakirunkam pracy ŭznačalvajemaha Vami ministerstva. Składvajecca ŭražańnie ab niepieraadolnym razryvie pamiž Vašymi słovami i, spadziajusia, žadańniami i praktykaj, dzie namieśnik ministra kultury V.I.Kuraš, načalnik upraŭleńnia pa achovie historyka-kulturnaj spadčyny I.M.Čarniaŭski śviadoma prykładajuć usie namahańni, kab zdykredytavać Vas asabista, Ministerstva kultury Respubliki Biełaruś, dziaržaŭnuju palityku ŭ śfiery achovy spadčyny, a razam ź joj i ŭsiu biełaruskuju dziaržavu ź dziejsnaj sučasnaj administracyjaj.

Navukova-mietadyčnaja ž rada, jak kansultatyŭny orhan nie vykonvaje svaje zadačy ŭ miežach zakanadaŭstva. Jana pieraŭtvaryłasia ŭ orhan uzakońvańnia mahčymych i niemahčymych parušeńniaŭ, navat źniščeńnia pomnikaŭ. Kredyt hramadžskaha davieru da rady daŭno vyčarpany. Nie dapamahli zachady pa abnaŭleńniu składa rady, što padćviardžajecca apošnimi rašennmi.

Usie niedachopy, usie parušeńni – heta Vaša piersanalnaja adkaznaść, jak ministra kultury, adkaznaść jurydyčnaja, adkaznaść, samaje hałoŭnaje, maralnaja. Tamu zaklikaju Vas u čarhovy raz, da naviadzieńnia pravavoha paradku ŭ pracy ŭpraŭleńnia pa achovie historyka-kulturnaj spadčyny i restaŭracyi, Biełaruskaj respublikanskaj navukova-mietadyčnaj rady pa pytańniach historyka-kulturnaj spadčyny.

Prosim Vas ab pryciahnieńni Vašaha namieśnika V.I.Kuraša, načalnika ŭpraŭleńnia pa achovie historyka-kulturnaj spadčyny i restaŭracyi I.M.Čarniaŭskaha za nievykanańnie svaich abaviazkaŭ pa achovie historyka-kulturnaj spadčyny, za nievykanańnie narmatyŭna-pravavych aktaŭ, jakija rehłamientujuć dakumientazvarot, ab zabieśpiačeńni adkazaŭ pa sutnaści na zvaroty HA BDTAPHK. I hałoŭnaje, ab pierahladzie apošnich rašeńniaŭ navukova-mietadyčnaj rady pa Babrujskaj krepaści, byłomu biernardynskamu klaštaru ŭ h. Minsku, budynkam u histaryčnym centry Pinska”.

• 0
• 0
• 0
• 0
• 0
• 0
• 0
• 0