U vuhorskim Sekiešfechiery sensacyjaj skončyŭsia finalny turnir Kantynentalnaha Kubku pa chakiei. Jaho pieramožcam upieršyniu za historyju stała biełaruskaja kamanda.
U vuhorskim Sekiešfechiery sensacyjaj skončyŭsia finalny turnir Kantynentalnaha Kubku pa chakiei. Jaho pieramožcam upieršyniu za historyju stała biełaruskaja kamanda. Napiaredadni turniru šancy biełarusaŭ nie razhladalisia jak pryjarytetnyja, jak‑nijak u turniry brali ŭdzieł pradstaŭniki elitnych lih čempijanataŭ Finlandyi i Rasiei. Dy i miascovuju «Alba Vołan» nielha skidvać z rachunkaŭ, bo ŭ rodnych ścienach zaŭsiody hulajecca z bolšym impetam. Trener mienčukoŭ Michaił Zacharaŭ u interviju, što papiaredničali finału, adznačaŭ, što ŭ «Junactva» šaniec źjavicca tolki ŭ tym vypadku, kali kamanda budzie prytrymlivacca najstražejšaj dyscypliny.
Apošni raz biełaruski klub udzielničaŭ u finale Kantynentalnaha Kubku try hady tamu. Tady «Homiel» u rodnych ścienach zmoh zaniać druhoje miesca, sastupiŭšy tolki słavackamu «Słovanu».
Užo ŭ pieršy dzień spabornictvaŭ mienčuki zmahli dakazać, što hatovyja zmahacca za pieršaje miesca. Va ŭpartaj baraćbie biełaruskija chakieisty akazalisia macniej za finski «Ilviesa» – 3:2. Pieramožnuju šajbu zakinuŭ veteran biełaruskaha chakieju napadnik Siarhiej Kavaloŭ.
Nazaŭtra «Junactva» praekzamenavała «Alba Vołan». Vuhorcy nie zmahli akazać naležnaha supracivu, i jak vynik lik na tablo — 5:2.
Los Kubku byŭ vyrašany ŭ apošni dzień miž biełaruskim čempijonam i vice‑čempijonam Rasiei «Avanhardam» z Omsku, za jaki, darečy, vystupaje adzin ź lideraŭ biełaruskaj zbornaj Alaksiej Kalužny.
Napružany matč skončyŭsia nulavoj ničyjoj. Pieramožca turniru vyznačaŭsia seryjaj paślamatčavych bulitaŭ. Nervy biełarusaŭ akazalisia macniejšymi. Upieršyniu ŭ historyi biełaruski klub staŭ uładalnikam eŭrakubku.
Kantynentalny Kubak dakazaŭ, što biełarusy majuć samadastatkovy čempijanat, kamandam ź jakoha pad siłu vyrašać samyja składanyja zadačy.
Fota junost.org
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary