U Departamient vykanańnia pakarańnia 26 červienia było pieradadziena 12 zajaŭ z patrabavańniem źmiakčeńnia režymu ŭtrymańnia palitviaźniaŭ.
Zajavy byli padpisany udzielnikami smartmob-pikieta, arhanizavanaha praz sacyjalnuju sietku Facebook. Udzielniki sabralisia kala Departamienta, padpisali zajavy i pa čarzie adnieśli ich na rehistracyju.
Metaj akcyi było prymusić ułady pajści na nievialikuju sastupku — źmiakčyć režym utrymańnia ŭ kałonii Źmitru Daškieviču i Mikitu Lichavidu. A mienavita spynić u dačynieńni da ich niematyvavanyja represii, viarnuć im prava na atrymańnie pieradač, prava na ažyćciaŭleńnie pakupak u kramie pa miescy adbyvańnia pakarańnia, a taksama zabiaśpiečyć vykanańnie prava na spatkańnie z rodnymi.
***
Smartmob (anhł.: smart mob — razumny natoŭp) — forma samaarhanizavanaj akcyi z dapamohaj efiektyŭnaha vykarystańnia vysokich technałohij. Jak zaznačana ŭ Facebook-hrupie «My patrabujem źmiakčeńnia režymu ŭtrymańnia Daškieviča i Lichavida», heta nibyta pikiet, a nibyta i nie.
Kamientary