У Дэпартамент выканання пакарання 26 чэрвеня было перададзена 12 заяў з патрабаваннем змякчэння рэжыму ўтрымання палітвязняў.
Заявы былі падпісаны удзельнікамі смартмоб-пікета, арганізаванага праз сацыяльную сетку Facebook. Удзельнікі сабраліся каля Дэпартамента, падпісалі заявы і па чарзе аднеслі іх на рэгістрацыю.
Мэтай акцыі было прымусіць улады пайсці на невялікую саступку — змякчыць рэжым утрымання ў калоніі Змітру Дашкевічу і Мікіту Ліхавіду. А менавіта спыніць у дачыненні да іх нематываваныя рэпрэсіі, вярнуць ім права на атрыманне перадач, права на ажыццяўленне пакупак у краме па месцы адбывання пакарання, а таксама забяспечыць выкананне права на спатканне з роднымі.
***
Смартмоб (англ.: smart mob — разумны натоўп) — форма самаарганізаванай акцыі з дапамогай эфектыўнага выкарыстання высокіх тэхналогій. Як зазначана ў Facebook-групе «Мы патрабуем змякчэння рэжыму ўтрымання Дашкевіча і Ліхавіда», гэта нібыта пікет, а нібыта і не.
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў26
Каментары