Saakašvili zaklikaje Jeŭropu da dyjałohu ź Biełaruśsiu
Palityka izalacyi ŭ dačynieńni da Biełarusi pavialičvaje šanc jaje traplańnia pad kantrol Rasii, što «źjaŭlajecca kontrpraduktyŭnym dla doŭhaterminovaha raźvićcia Jeŭropy»
Prezident Hruzii zaklikaŭ Jeŭropu vieści dyjałoh ź Biełaruśsiu. Palityka izalacyi ŭ dačynieńni da Biełarusi pavialičvaje šanc jaje traplańnia pad kantrol Rasii, što «źjaŭlajecca kontrpraduktyŭnym dla doŭhaterminovaha raźvićcia Jeŭropy»,zajaviŭ Michaił Saakašvili 26 lipienia ŭ Batumi na sumiesnaj
Pavodle słoŭ Saakašvili, Biełaruś u adroźnieńnie ad Rasii nie akupuje susiednija krainy, i śćviardžać, što Rasija bolš demakratyčnaja za Biełaruś, — «absurd», pieradaje Rasiejskaja słužba
Saakašvili zajaviŭ, što Hruzija ŭvažliva naziraje za situacyjaj u Biełarusi i razumieje, jakija tam isnujuć prablemy. Adnak niahledziačy na heta, upeŭnieny jon, ź Minskam treba vieści dyjałoh i adkryta razmaŭlać pa ŭsich pytańniach, jakija vyklikajuć zaniepakojenaść.
Varta zaznačyć, što heta ŭžo druhaja takaja zajava hruzinskaha lidara. 22 lipienia, vystupajučy ŭ Batumi na mižnarodnaj kanfierencyi «Jeŭrapiejski šlach Hruzii», Saakašvili zaklikaŭ mižnarodnuju supolnaść da aktyŭnaha dyjałohu ź Biełaruśsiu, kab jana nie apynułasia ŭ izalacyi i raźvivałasia ŭ adpaviednaści ź mižnarodnymi standartami. Tady jon taksama padkreśliŭ, što ŭ vypadku izalacyi Biełaruś «apyniecca ŭ rukach rasijskaj administracyi». Saakašvili paviedamiŭ, što Hruzija dzielicca ź Biełaruśsiu, Ukrainaj i Małdovaj vopytam reform.
Ciapier čytajuć
Zahinuŭ biełaruski dobraachvotnik Vasil «Dzir» Rapicki6
Kamientary