Usio surjozna: avaryjaj na «Biełaruśkalii» zojmiecca ŭrad

Uradavuju mižviedamasnuju kamisiju pa likvidacyi pahrozy zatapleńnia rudnika ŭznačaliŭ Uładzimir Siamaška.

U Biełarusi stvorana ŭradavaja mižviedamasnaja kamisija pa likvidacyi pahrozy zatapleńnia adnaho z rudnikoŭ AAT «Biełaruśkalij», jaje ŭznačaliŭ pieršy vice-premjer Uładzimir Siamaška, paviedamlaje BiełaPAN. Kamisija, u jakuju ŭvajšli siarod inšych MNS i Minpryrody, zojmiecca vyśviatleńniem pryčyn padtapleńnia i raspracoŭkaj mier pa jaho likvidacyi.

Vyhladaje, što situacyja ŭ Salihorsku nasamreč kudy bolš surjoznaja, čym raniej paviedamlali aficyjnyja krynicy. Užo sam fakt stvareńnia kamisii na čale ź vice-premjeram pakazalny.

Nahadajem, što ŭ noč na 24 červienia hetaha hoda na rudniku 2-ha rudaŭpraŭleńnia pradpryjemstva adbyłasia vydzialeńnie rasołaŭ u vypracavanuju parodu. Pieršapačatkova infarmacyja źjaviłasia ŭ internecie. Aficyjnyja krynicy zrabili zajavy z tydniovym spaźnieńniem. Tak, na sajcie «Biełaruśkalija» infarmacyja źjaviłasia tolki 30 červienia. Paśla hetaha paviedamleńni pra aktualnuju situacyju na rudniku na sajcie pradpryjemstva stała źjaŭlacca dosyć rehularna.

Novaja chvala čutak pra situacyju na «Biełaruśkalii» źjaviłasia dva tydni tamu. Tady ŭ internecie zahavaryli pra toje, što nibyta pad rudnikom №2 znajšli padziemnaje voziera. Ale kiraŭnictva pradpryjemstva i na hety raz zajaviła, što situacyja pad kantrolem.

Ciapier, kali aficyjna zajaŭlena pra stvareńnie ŭradavaj kamisii, čynoŭniki pačali vydavać padrabiaznaści, pra jakija raniej možna było daviedacca tolki ź nieaficyjnych krynicaŭ, dy i to ŭ vyhladzie čutak. Tak, namieśnik dyrektara departamienta pa hieałohii Ministerstva pryrodnych resursaŭ i achovy navakolnaha asiarodździa Uładzimir Varaksa ŭ intervju BiełaPAN nie vyklučyŭ, što adnoj z pryčynaj padtapleńnia mahli stać karstavyja vody. A hiendyrektar «Biełaruśkalija» Valeryj Kiryjenka naŭprost zajaviŭ ahienctvu «Interfaks-Zachad», što karstavyja vody i padtapili rudnik. Pry hetym jon adznačyŭ, što situacyja kantralujecca, pradpryjemstva pracuje ŭ zvyčajnym režymie.

Dalej ahienctva pryvodzić słovy adnaho z ekśpiertaŭ, znajomaha ź situacyjaj na rudniku. Pa jaho słovach, pad rudnikom nasamreč isnuje padziemnaje voziera i jano navat naniesienaje na kartu Starobinskaha radovišča. Z hetaha vynikaje, što kiraŭnictva pradpryjemstva nie moža nie viedać pra jaho isnavańnie i, adpaviedna, pra pahrozu zatapleńnia. Pa słovach surazmoŭcy ahienctva, «Biełaruśkalij», imknučysia vykanać zadańni pa pavieličeńni abjomaŭ zdabyčy kaliju, parušyŭ praviły biaśpieki, što i pryviało da avaryi na rudniku.

Jon padkreśliŭ, što poŭnaj infarmacyja vałodajuć tolki kiraŭnictva pradpryjemstva i mižviedamasnaja kamisija. Što da prahnozaŭ raźvićcia situacyi, to ich pakul zrabić nie moža nichto, padkreśliŭ ekśpiert.

• 0
• 0
• 0
• 0
• 0
• 0
• 0
• 0