Admoŭnaje salda handlu tavarami znoŭ pačało raści ŭ červieni
Takija danyja apublikavaŭ Nacyjanalny statystyčny kamitet.
Za studzień—červień 2011 hoda admoŭnaje salda źniešniaha handlu tavarami skłała 4 młrd. 467,3 młn. dołaraŭ. Takija danyja apublikavaŭ Nacyjanalny statystyčny kamitet.
Pa vynikach studzienia—maja 2011 hoda admoŭnaje salda źniešniaha handlu tavarami skłała 3 młrd. 868,7 młn. dołaraŭ, studzienia—červienia 2010 hoda — 3 młrd. 542,8 młn. dołaraŭ.
Za maj hetaha hoda admoŭnaje salda źniešniaha handlu tavarami vyrasła na 117,4 młn. dołaraŭ, što stała sioleta samym nizkim miesiačnym rostam. Adnak u červieni hety pakazčyk skłaŭ amal 600 młn. dołaraŭ.U studzieni admoŭnaje salda skłała 902,6 młn. dołaraŭ, u lutym i sakaviku — bolš za 1 młrd. dołaraŭ, u krasaviku — 720 młn. dołaraŭ.
U studzieni—červieni hetaha hoda ab`iom źniešniaha handlu tavarami pavialičyŭsia na 57,3% u paraŭnańni takim ža pieryjadam 2010 hoda i skłaŭ 40 młrd. 898,7 młn. dołaraŭ. Ekspart za šeść miesiacaŭ pavialičyŭsia na 62,3% da 18 młrd. 215,7 młn. dołaraŭ, impart — na 53,6% da 22 młrd. 683 młn. dołaraŭ.
Salda ŭ handli z krainami SND skłałasia admoŭnaje ŭ 4 młrd. 188,3 młn. dołaraŭ (za studzień—červień 2010 hoda — minus 3 młrd. 58,6 młn.). Ekspart vyras na 46,5% da 8 młrd. 753,2 młn. dołaraŭ, impart — na 43,3% da 12 młrd. 941,5 młn. dołaraŭ. Ab`iom źniešniaha handlu za studzień—červień skłaŭ 21 młrd. 694,7 młn. dołaraŭ (na 44,6% bolš).
Salda ŭ handli z Rasijaj skłałasia admoŭnaje na ŭzroŭni 5 młrd. 15,3 młn. dołaraŭ (za studzień—červień 2010 hoda — minus 3 młrd. 667,1 młn.). Źniešniehandlovy abarot z Rasijaj pavialičyŭsia na 41,2% da 17 młrd. 675,7 młn. dołaraŭ. Ekspart vyras na 43% (da 6 młrd. 330,2 młn.), impart — na 40,2% (da 11 młrd. 345,5 młn.).
Źniešniehandlovy abarot z Kazachstanam pavialičyŭsia na 22,9% da 368,5 młn. dołaraŭ. Ekspart vyras na 26,2% (da 283 młn.), impart — na 13,2% (da 85,5 młn.). Salda ŭ handli z Kazachstanam skłałasia stanoŭčaje ŭ 197,5 młn. dołaraŭ (za studzień—červień 2010 hoda — plus 148,8 młn.).
Źniešniehandlovy abarot z krainami dalokaha zamiežža pavialičyŭsia na 74,8% i skłaŭ 19 młrd. 204 młn. dołaraŭ. Ekspart pavialičyŭsia na 80,2% da 9 młrd. 462,5 młn., impart — na 69,9% da 9 młrd. 741,5 młn. dołaraŭ. Salda skłałasia admoŭnaje ŭ 279 młn. dołaraŭ (za anałahičny pieryjad minułaha hoda — minus 484,2 młn. dołaraŭ).
Ciapier čytajuć
Jak biełarusy ŭ Vilni adznačyli Dzień Voli ŠMAT FOTA4
Jak biełarusy ŭ Vilni adznačyli Dzień Voli ŠMAT FOTA
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1111
Kamientary