1 žniŭnia staŭka vyvaznoj mytnaj pošliny za tonu syroj nafty źnižajecca ŭ Biełarusi na 6,9 dołara — z 445,1 da 438,2 dołara za tonu; nafty z utrymańniem siery — z 205,8 da 201 dołara za tonu. Novyja staŭki zaćvierdžany pastanovaj Savieta ministraŭ 27 lipienia.
Ustanoŭleny taksama novyja staŭki ekspartnych pošlin na naftapradukty, jakija vyvoziacca ź Biełarusi za miežy mytnaj terytoryi Mytnaha sajuza. Pošlina na śvietłyja naftapradukty (lohkija dystylaty, siarednija dystylaty, hazojli) źnižana z 298,2 da 293,6 dołara za tonu, na ciomnyja naftapradukty (vadkaje paliva, masła, adpracavanyja naftapradukty) — z 207,8 da 204,6 dołara za tonu.
Pošlina na prapan, butany, etylen, prapilen, butylen i butadyjen, inšyja zvadkavanyja hazy pavialičyłasia z 172,9 da 182,8 dołara za tonu, na naftavy vazielin, minieralnyja voski i anałahičnyja pradukty paniziłasia z 207,8 da 204,6 dołara za tonu. Pošlina na bienziny tavarnyja i pramahonny bienzin źniziłasia z 400,5 da 394,4 dołara za tonu.
Nahadajem, u śniežni 2010 hoda ŭ Maskvie było padpisana biełaruska-rasijskaje mižuradavaje pahadnieńnie ab raźmierkavańni ekspartnych pošlin. Zhodna z dakumientam, z 1 studzienia Rasija pavinna pastaŭlać u Biełaruś usiu naftu biaspošlinna. Biełaruś, sa svajho boku, abaviazana pieraličvać u biudžet RF uvieś abjom ekspartnych pošlin na naftapradukty, vyrablenyja z rasijskaj nafty, jakija vyvoziacca za miežy Mytnaha sajuza.
Ciapier čytajuć
Zahinuŭ biełaruski dobraachvotnik Vasil «Dzir» Rapicki11
Kamientary