Musiać zapłacić udzielniki pratestu na pamiežnym pierachodzie ŭ Bruzhach.
Musiać zapłacić udzielniki pratestu na pamiežnym pierachodzie ŭ Bruzhach.
Pavodle UUS Haradzienskaha abłvykankamu, jany musiać apłacić pasłuhi milicyjantaŭ, jakija musili razhaniać i zatrymlivać pratestoŭcaŭ u svoj vychodny dzień.
36 adkazčykaŭ, zajaŭlenych u pazovie, nie razumiejuć sutnaści spravy. Jany ŭpeŭnienyja, što apłočvać pracu milicyi pavinna dziaržava, tym bolej, što za svaje dziejańni jany byli prysudžanyja administratyŭnym sudom da štrafaŭ ad 30 da 80 baz. vieł.
Andrej, adzin z adkazčykaŭ, raspaviadaje, što ŭ aŭtazaku jaho źbivali dubinkami i prysnuli piarcovym bałončykam u vočy, chacia supracivu jon nie akazvaŭ. «Na sudzie ja zajaviŭ, što hatovy tolki apłacić košt salarki aŭtazaku, jakaja spatrebiłasia, kab advieści mianie ŭ pastarunak, pierac z bałončyka, i spytaŭ, kolki kaštuje adzin udar dubinkaju», – kaža Andrej.
Pavodle druhoha adkazčyka, Andreja Abłaževiča, sud śpiecyjalna nadaje spravie palityčnaje adcieńnie.
U paniadziełak adbyłosia druhoje pasiadžeńnie.Sud Leninskaha rajona Horadni zadavoliŭ chadajnictva pradstaŭnikoŭ milicyi ab zakrytaści pracesu. Chadajnictva padtrymali prakuror i pradstaŭniki mytni, na pratesty adkazčykaŭ uvahi nie źviarnuli.
Stała viadoma pra źmienu sumy pazovaŭ.
Milicyjanty z 6,5 młn rub. pavialičyli sumu da 11,115 młn rub., a mytniki, naadvarot, panizili svaje patrabavańni – z 152 tys. da 52 tys. rub.
Kamientary