Eks-pretendent Siarhiej Ryžoŭ sabraŭ padčas svajoj akcyi 4 tys. rubloŭ 11

Byłomu pretendentu na pasadu prezidenta Biełarusi Siarhieju Ryžovu ŭdałosia pravieści 7 žniŭnia ŭ Viciebsku ŭ adnym z chramaŭ horada i kala jaho akcyju pratestu ŭ novym farmacie.

Jak skazaŭ BiełaPAN Siarhiej Ryžoŭ, hałoŭnaj metaj akcyi było pakazać ludziam mahčymaść prajaŭleńnia svajho pratestu ŭ novych formach na fonie zhasalnych «maŭklivych akcyj» i pierśpiektyvy ŭniasieńnia źmianieńniaŭ u zakanadaŭstva ab masavych mierapryjemstvach. Svaimi dziejańniami apazicyjanier mieŭ namier pryciahnuć uvahu hramadskaści, u tym liku zamiežnaj, da niehatyŭnych tendencyj raźvićcia situacyi ŭ krainie i pačać zbor srodkaŭ dla palityčna represavanych hramadzian, u pryvatnaści dla tych, chto akazaŭsia biespracoŭnym pa palityčnych matyvach.

Z samaha pačatku Ryžoŭ źbiraŭsia pravodzić akcyju ŭ Śviata-Uśpienskim sabory, adnak u pieršaj hadzinie nočy 7 žniŭnia jamu pastupiła infarmacyja, što tam rychtujecca pravakacyja. Paźniej jana ŭskosna paćvierdziłasia.

Tamu ranicaj Siarhiej Ryžoŭ razam z kiraŭnikom viciebskaha filijała stvaranaj Biełaruskaj kansiervatyŭnaj partyi «Biełaja Ruś» Alaksandram Kiryłavym adpravilisia ŭ Śviata-Pakroŭski sabor, dzie byli sustretyja, pa vykazvańni Ryžova, «niedružalubna». Paśla taho jak palityki, jakija źbirali srodki, pa patrabavańni zahadčyka haspadarki i dziažurnaha vymušanyja byli pakinuć budynak i stać kala aharodžy razam ź inšymi, što prasili, a zatym naohuł pierajści na inšy bok vulicy Lenina, im daviałosia pahutaryć jašče i z tymi, jakija nibyta «nahladajuć» za hetaj terytoryjaj. Pryčym Ryžoŭ nie sumniavajecca, što jany byli padasłanyja. Ludzi, jakija nazvalisia raniej sudzimymi i, jak zdavałasia b, dalokija ad palityki, pavodle słoŭ Ryžova, byli niečakana mocna aburanyja źmiestam płakataŭ, jakija raskazvali pra zbor srodkaŭ u dapamohu palityčna represavanym suhramadzianam. Aprača taho, hetyja ludzi čamuści zajavili, što ranicaj Ryžoŭ i Kiryłaŭ byli ŭ Śviata-Uśpienskim sabory. Z čaho apazicyjanier zrabiŭ vysnovu, što tam udzielnikaŭ akcyi sapraŭdy čakali. Za tym, što adbyvałasia kala Śviata-Pakroŭskaha chrama, z mašyny zboku nazirali supracoŭniki milicyi, ale nie ŭmiešvalisia.

Niahledziačy na toje što bolš čym za dźvie hadziny akcyi z-za pastajannych pieramiaščeńniaŭ jaje ŭdzielnikaŭ udałosia sabrać nie bolš jak 4 tysiačy rubloŭ,

Siarhiej Ryžoŭ miarkuje, što jana «adnaznačna ŭdałasia».

Śviedčańniem tamu, pavodle jaho słoŭ, źjaŭlajucca miery, pryniatyja ŭładami spačatku dla niedapuščeńnia praviadzieńnia akcyi, a potym i jaje spynieńnia, a taksama ŭvaha da ŭdzielnikaŭ akcyi z boku ludziej. Tym, što adbyvałasia, u pryvatnaści, vielmi cikaviłasia hrupa rasijan, jakija pryjazdžali ŭ chram.

Takija akcyi, jak paviedamiŭ Ryžoŭ, płanujecca pravodzić kožnuju niadzielu — i nie tolki kala pravasłaŭnych chramaŭ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH