Pa vynikach muzyčnaha siezonu 2010–2011 pieśnia ŭkrainskaha hurta «Fiolet» pryznanaja adnoj z najlepšych na najbolš papularnym muzyčnym partale Biełarusi «Tuzin Hitoŭ».Pieramožca konkursu vyznačaŭsia praz hałasavańnie i recenzii muzyčnych krytykaŭ. Pieśnia «Miesca pakuty» ŭkrainskaha hurta zaniała 4 miesca siarod 69 kampazicyj, jakija byli pradstaŭlenyja na partale ciaham apošniaha hoda.
Dziakujučy hetamu pieśnia «Fioleta» taksama ŭvojdzie ŭ muzyčnuju składanku, jakuju vydaść kampanija «Vihma».
Adznačym, što ŭ konkursie mahli ŭdzielničać tolki biełaruskamoŭnyja pieśni. Pieršaje ž miesca ŭ konkursie atrymaŭ «Lapis Trubiackoj» ź pieśniaj «Hraj».
Vakalist «Fioleta» Siarhiej Martyniuk, paśla taho jak stali viadomyja kančatkovyja vyniki konkursu, paviedamiŭ, što najbližejšym časam pieśnia budzie vydadzienaja ŭ paŭnavartasnym
Nahadajem, što hurt «Fiolet» ź pieśniaj «Miesca pakuty» staŭ pieršym udzielnikam kampanii «Ukrainskaja muzyka dla Biełarusi», u miežach jakoj ukrainskija muzyki zaśpiavajuć pieśni na biełaruskaj movie na pratestavuju tematyku.
Inicyjataram kampanii vystupiła hramadskaja arhanizacyja Centr «Supracoŭnictva bieź miežaŭ».
Pasłuchać pieśniu možna tut.
