Pajezdka pa zapałki abyšłasia ŭ 21 młn rubloŭ
Sud Ašmianskaha rajona vynies vyrak 48-hadovamu žycharu Minska, jaki ŭ vioscy Župrany pjany jechaŭ za rulom svajoj mašyny “Sitraen Ksara Pikaso”. Prysud – štraf u 21 miljon rubloŭ – ustupiŭ u zakonnuju siłu 22 žniŭnia.
Prakuror Ašmianskaha rajona Andrej Kłyševič paviedamiŭ: minčanin, uradženiec vioski Narbuty, sioleta ŭ druhi raz kiravaŭ svaim “Sitraenam” u stanie ałkaholnaha apjanieńnia. Paśla vyniasieńnia administracyjnaha pakarańnia ŭ hetym vypadku parušalnik pryciahvajecca da kryminalnaj adkaznaści.
Pavodle słovaŭ Andreja Kłyševiča, takuju vialikuju sumu štrafu, 600 bazavych vieličyń (21 miljon rubloŭ), za niećviarozaje kiravańnie aŭtamabilem sud Ašmianskaha prysudziŭ upieršyniu. Raniej za heta złačynstva štrafy byli mienšyja.
Prakuror Ašmianskaha rajona raskazaŭ, što zdareńnie adbyłosia 30 červienia. Mužčyna pryjechaŭ ź Minska ŭ Narbuty ŭ hości da svajoj maci. Jon całkam pryznaŭ svaju vinu i pryznaŭsia: u baćkoŭskim domie spačatku vypiŭ 300 hramaŭ harełki, potym – jašče 200. Paśla hetaha kala 21 hadziny vyrašyŭ źjeździć pa zapałki ŭ kramu ŭ Župrany. Tam jaho spyniŭ supracoŭnik dziaržaŭtainśpiekcyi.
Sioleta ŭ krasaviku za niećviarozaje kiravańnie mužčyna ŭžo byŭ aštrafavany ŭ Minsku na 1 miljon 50 tysiač rubloŭ. Jaho taksama pazbavili pravoŭ kiravańnia aŭtamabilem na try hady. Ciapier za paŭtornaje takoje ž parušeńnie žychar stalicy pazbaŭleny pravoŭ na piać hadoŭ.
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary