Hramadstva88

Dumka hramadskaści nie chvaluje

Kala 600 chadajnictvaŭ ab źmianieńni miery strymańnia Bialackamu pad asabistaje paručycielstva hramadzian nie zadavolenyja.

Upraŭleńnie departamienta finansavych rasśledavańniaŭ (UDFR) Kamiteta dziaržkantrolu pa Minskaj vobłaści i Minsku nie zadavoliła nivodnaje z chadajnictvaŭ ab źmianieńni miery strymańnia ŭ dačynieńni da pravaabaronca Alesia Bialackaha sa źniavoleńnia pad vartu na vyzvaleńnie pad asabistaje paručycielstva.

Adpaviedny adkaz atrymała kiraŭnictva RHA «Biełaruski Chielsinkski kamitet» (BCHK), jakoje centralizavana źbirała paručycielstvy.

Za vyzvaleńnie Bialackaha było padadziena kala 600 chadajnictvaŭ biełaruskich hramadzian i aŭtarytetnych zamiežnych dziejačaŭ. Jak paviedamiŭ kiraŭnik jurydyčnaj kamisii BCHK Hary Pahaniajła, svaju admovu śledčy UDFR tłumačyć tym, što «padstavaŭ dla źmianieńnia hetaj miery strymańnia niama».

«Takaja matyvacyja nas zadavolić nie moža, my nie ličym jaje zakonnaj. Hetaja pastanova pryniata biez padstavaŭ i biez matyvacyj rašeńnia. Kryminalna-pracesualny kodeks dakładna rehłamientuje, što miery strymańnia mohuć prymianiacca tolki ŭ tym vypadku, kali sabranyja dokazy pa spravie dajuć dastatkovyja padstavy mierkavać, što padazrony abo abvinavačvany mohuć schavacca ad orhanaŭ kryminalnaha pieraśledu abo suda, pieraškodzić rasśledavańniu abo razhladu spravy sudom, učynić hramadska niebiaśpiečnaje dziejańnie, procidziejničać vykanańniu prysudu. Akramia taho, pry vyrašeńni pytańniaŭ ab nieabchodnaści prymianieńnia miery strymańnia pavinien uličvacca charaktar padazreńnia abo abvinavačańnia, asoba padazronaha abo abvinavačvanaha. U pastanovie ničoha hetaha niama», — kanstatavaŭ juryst BCHK.

Na jaho dumku, heta pakazvaje, što Bialacki — «čarhovy zakładnik ułady».

«Jana takim čynam sprabuje prademanstravać, što budzie z pravaabaroncami, hramadskimi aktyvistami i aktyvistami palityčnych partyj, jakija nie spyniać svaju dziejnaść»,
 — ličyć Pahaniajła.

Niahledziačy na admovu UDFR, kalehi Bialackaha majuć namier praciahvać zbor chadajnictvaŭ za jaho vyzvaleńnie. Jak paviedamiŭ BiełaPAN pravaabaronca Uładzimir Łabkovič, zhodna z zakonam padavać chadajnictvy z asabistym paručycielstvam možna da suda. «My razhladajem hetuju kampaniju nie tolki jak mahčymaść vyzvalić Bialackaha, ale i jak prajaŭleńnie salidarnaści ź im», — padkreśliŭ Łabkovič.

Vice-prezident Mižnarodnaj fiederacyi pravoŭ čałavieka, kiraŭnik zakrytaha biełaruskimi ŭładami pravaabarončaha centra «Viasna» Aleś Bialacki byŭ zatrymany ŭ Minsku viečaram 4 žniŭnia. 5 žniŭnia ŭ dačynieńni da zatrymanaha abrana miera strymańnia ŭ vyhladzie źniavoleńnia pad vartu. 12 žniŭnia pravaabaroncu pradjavili abvinavačańnie pa častcy 2 artykuła 243 Kryminalnaha kodeksa (utojvańnie dachodaŭ u asabliva bujnym pamiery) i praciahnuli termin utrymańnia pad vartaj na dva miesiacy.

Aryšt Bialackaha vyklikaŭ šyroki rezanans. Vyzvaleńnia pravaabaroncy zapatrabavali kiraŭnictva Jeŭrasajuza, ZŠA i inšych dziaržaŭ, mižnarodnyja pravaabarončyja struktury, viadomyja hramadskija dziejačy i palityki.

Kamientary8

«Sam prapanavaŭ joj vyjści na Hannu Siałuk». Palitviazień raskazaŭ pra svaju byłuju žonku — praŭładnuju śpiavačku i milicyjantku

«Sam prapanavaŭ joj vyjści na Hannu Siałuk». Palitviazień raskazaŭ pra svaju byłuju žonku — praŭładnuju śpiavačku i milicyjantku

Usie naviny →
Usie naviny

Prajezd pa MKAD padumvajuć zrabić płatnym

Što budzie z zarobkami ŭ 2025-m? I ci adklučać jutub? Adkazvaje Čały6

Kanapackaja znajšła sabie tolki siem davieranych asobaŭ — dyj toje siarod ich syn-danosčyk3

Vialiki hiercah Luksiemburhski adroksia ad pasadu na karyść syna. Jon kiravaŭ krainaj 24 hady3

Ci možna vystaŭlać u sacsietki fota i videa ranišnikaŭ svaich dziaciej, kali nie spytaješ dazvołu ŭ inšych baćkoŭ?6

Žyvahłod raskazała, kolki padpisčykaŭ zastałosia ŭ čat-bota «Sumlennyja ludzi»5

Jak ukrainskija inžyniery pieratvaryli lohki samalot va ŭdarny bieśpiłotnik, što moža dalatać da Maskvy2

U vybarčaj prahramie Kanapackaja patrabuje vyzvalić palitviaźniaŭ18

Mužčyna staŭ svojeasabliva prybirać kvateru — jaho zabrali ŭ milicyju VIDEA

bolš čytanych navin
bolš łajkanych navin

«Sam prapanavaŭ joj vyjści na Hannu Siałuk». Palitviazień raskazaŭ pra svaju byłuju žonku — praŭładnuju śpiavačku i milicyjantku

«Sam prapanavaŭ joj vyjści na Hannu Siałuk». Palitviazień raskazaŭ pra svaju byłuju žonku — praŭładnuju śpiavačku i milicyjantku

Hałoŭnaje
Usie naviny →