Samym darahim biełaruskim brendam u 2011 hodzie nazvany «Santa Bremar»

Ahienctva MPP Consulting (Ukraina) u miežach prajekta acenki nacyjanalnych brendaŭ TOP National Brands apublikavała rejtynh «BiełBrend 2011 — TOP-100 biełaruskich brendaŭ», paviedamiŭ śpiecyjalizavany partał marketing.by.

Partał adznačyŭ, što ŭ paraŭnańni z rejtynham minułaha hoda brendy padaraželi, a lidary pamianialisia miescami. Tak, pieršy radok rejtynhu sioleta zajmaje brend «Santa Bremar», acenieny ŭ 72,5 młn. dołaraŭ (letaś — druhoje miesca i 57,5 młn.). Lidarskuju pazicyju straciła Milavitsa, pieramiaściŭšysia na druhoje miesca z 64 młn. (pieršaje miesca i 60 młn. u 2010 hodzie). Na treci radok padniaŭsia brend «Alivaryja», jaki padros da 52,3 młn. (čaćviortaje miesca i 48 młn. dołaraŭ letaś).

U dziasiatku pieršych taksama ŭvajšli: «Savuškaŭ pradukt» (50 młn. dołaraŭ), Conte (49,4 młn.), «Bulbaš'» (49,1 młn.), «Krynica» (48 młn.), velcom (47,7 młn.), «Biełarusbank» (36,8 młn.) i «Kamunarka» (31,2 młn.). Usie hetyja brendy ŭvachodzili ŭ TOP-10 i letaś.

Telekamunikacyjnaja halina ŭ rejtynhu pradstaŭlena ŭsiaho piaćciu brendami, jakija prysutničali ŭ TOP-100 i letaś. Za vyklučeńniem «Biełtelekama» košt kožnaha ź ich niekalki vyras: 8-je miesca — velcom, 47,7 młn. dołaraŭ (5-je miesca letaś, 46,8 młn.), 23-je miesca — «Biełtelekam», 13 młn. (19-je, 13,3 młn.), 46-je miesca — ByFly, 7,5 młn. (49-je, 7 młn.), 56-je miesca — TUT.BY, 5,6 młn. (60-je, 5,2 młn.), 87-je miesca — OPEN.BY, 1,92 młn. (97-je, 1,3 młn.).

Tradycyjna ŭ rejtynhu prysutničaje vialikaja kolkaść brendaŭ z vysokakankurentnaj pivabiezałkaholnaj haliny, a taksama rytejła, finansavych pasłuh, lohkaj pramysłovaści i praduktaŭ charčavańnia, adznačaje partał.

Zamykaje rejtynh navičok TOP-100 — piŭny brend «Tema» koštam 1,05 młn. dołaraŭ.

Hałoŭnaj zadačaj «BiełBrenda 2011» było vyznačyć 100 samych darahich brendaŭ Biełarusi, a taksama ich biahučy rynačny košt, hruntujučysia na pakazčykach dziejnaści kampanij, jakija vykarystoŭvajuć hetyja brendy, pazicyj kožnaj kampanii na rynku i pierśpiektyŭ ich raźvićcia.

U rejtynh uvajšli tolki brendy, jakija byli stvoranyja ŭ Biełarusi abo dla biełaruskich tavaraŭ i pasłuh. Hieahrafičnaja prynaležnaść pachodžańnia brenda da Biełarusi była asnoŭnym kryteryjem dla ŭdziełu takoha brenda ŭ rejtynhu.

Hałoŭnaj asablivaściu mietodyki acenki brendaŭ ahienctva MPP Consulting źjaŭlajecca toje, što košt brenda ŭklučaje ŭ siabie vyklučna košt handlovaj marki (imieni) biez uliku vytvorčych mahutnaściaŭ, infrastruktury kampanii, patentaŭ, vynachodnictvaŭ i inšych materyjalnych abo intelektualnych kaštoŭnaściaŭ.

U 2011 hodzie ŭ ramkach prajekta TOP National Brands užo byli apublikavanyja rejtynhi samych darahich brendaŭ Kazachstana, Rasii, Hiermanii, Francyi, Italii, Ukrainy i Japonii.

• 0
• 0
• 0
• 0
• 0
• 0
• 0
• 0