«Heta hańba dla našaj krainy», — pišuć u kamientarach da rolika na You Tubie karystalniki z Rasii.
«Heta hańba dla našaj krainy», — pišuć u kamientarach da rolika na you tubie karystalniki z Rasii.
U Kaściukovičach (Mahiloŭskaja vobłaść) miascovyja supracoŭniki DPS zatrymali maładuju paru. Chłopiec i dziaŭčyna, hramadzianie Rasii, znachodzilisia ŭ lehkaviku BMW z rasijskimi numarami. Jany byli vidavočna niećviarozyja. Pa słovach vidavočcy, jaki źniaŭ incydent na kamieru, hości ŭ takim stanie pryjechali na aŭto na stajanku pierad miascovym univiersamam. Dziaŭčyna była za rulom, jana kateharyčna admoviłasia pradjavić dakumienty. A potym i vyjści z aŭto. U chod pajšła navat palityka.
«Ja nie vyjdu z mašyny. Niachaj vaš prezident Łukašenka vychodzić z mašyny», — zajaviła jana i pačała adbivacca ad milicyjantaŭ kułakami i nahami.
Paśla hetaha supracoŭniki DPS pasprabavali pierasadzić parušalnicu ŭ svoj aŭtamabil. Jaje spadarožnik uviazaŭsia ŭ patasoŭku z adnym ź milicyjantaŭ. Sabraŭsia natoŭp, jaki padzialiŭsia na tych, chto spačuvaŭ niećviarozym haściam, i tych, chto byŭ za milicyjantaŭ.
U kamientarach da rolika na You Tubie niekatoryja karystalniki z Rasii napisali, što niećviarozaja hierainia videa hańbić ich krainu. Taksama častka kamientataraŭ adznačyła, što kaściukovickija DPSniki dziejničali maksimalna karektna, mahčyma, zanadta.
Jak paviedamlaje Auto.onliner.by, incydent, mahčyma, zdaryŭsia ŭ minułuju piatnicu. Pakul nieviadoma, čym skončyłasia hetaja historyja.
Ciapier čytajuć
Kiraŭnika śledčaj hrupy pa spravie Tut.by pasadzili na 14 hadoŭ3
Kamientary