Jak paviedamiŭ na pres-kanfierencyi 6 vieraśnia staršy inśpiektar adździeła ahitacyi i prapahandy ŭpraŭleńnia DAI MUS Alaksandr Bruj, za vosiem miesiacaŭ 2011 hoda z udziełam dziaciej u Biełarusi adbyłosia 380 DTZ. Heta na 4,4% bolš, čym za taki ž pieryjad 2010 hoda. 388 dziaciej atrymali traŭmy, 25 zahinuli. Za vosiem miesiacaŭ 2010 hoda hetyja ličby byli mienšyja na 7,8% i 19% adpaviedna.
Pavodle słoŭ Alaksandra Bruja, čaściej za ŭsio achviarami DTZ stanoviacca małaletnija, školniki małodšych kłasaŭ, jakija nie majuć ŭśviadomlenaha pačućcia niebiaśpieki, dzieci-pasažyry, baćki jakich ihnarujuć patrabavańni Praviłaŭ darožnaha ruchu i pieravoziać ich bieź śpiecyjalnych kresłaŭ.
Bolš za ŭsio darožna-transpartnych zdareńniaŭ z udziełam dziaciej adbyvajecca ŭ pačatku i kancy navučalnaha hoda, paviedamiŭ pradstaŭnik respublikanskaj Dziaržaŭtainśpiekcyi.
Kamientary