Haradzienski małočny kambinat zabiraŭ hrošy pracaŭnikoŭ, kab zapłacić štraf
Kanflikt vyrašyła ŭmiašalnictva... dziaržaŭnaj Fiederacyi prafsajuzaŭ.
Paśla pravierki nahladnych orhanaŭ u zachavańni pryrodaachoŭnaha zakanadaŭstva zavod «Małočny mir» aštrafavali na 200 młn rub.
Kiraŭnictva pradpryjemstva nie prydumała ničoha lepšaha… jak uziać hetyja srodki z svaich pracaŭnikoŭ.
Jak vynik, 153 čałavieki nie atrymali svaich zakonnych hrošaj. Jak paviedamiła pracaŭnica pradpryjemstva Alena K., štraf byŭ nakładzieny za skidvańnie ściokavych vodaŭ. «Naturalna, našaj viny ŭ hetym nie było, bo bolšaść pracaŭnikoŭ navat nie majuć dostupu da hetych sistemaŭ. Ale kiraŭnictva vyrašyła pazbavić premii nas. I heta pry tym, što zarobki i tak nie pavyšajuć, a košty ŭ kramach rastuć štodnia».
Pracaŭniki kalektyŭna źviarnulisia ŭ dziaržaŭnuju Fiederacyju prafsajuzaŭ. Jak ni dziŭna, ale mienavita ŭmiašańnie FPB raźviazała prablemu. «Pavodle našaj infarmacyi,
na pradpryjemstvie sapraŭdy ŭtrymlivali zarobak — ad 800 tys. da 1 młn. rubloŭVidavočna, što heta niezakonnyja dziejańni, tamu my ŭmiašalisia ŭ situacyju», — zajavili ŭ presavaj słužbie. Takim čynam, niezakonnyja dziejańni kiraŭnictva zavodu byli spynienyja, ale nijakich štrafaŭ na dyrekcyju nie nakłali. Vyhladaje, što prafsajuznyja čynoŭniki zmahli damovicca, bo ŭ Haradzienskuju prakuraturu zajavaŭ ad kalektyvu ci FPB nie pastupała.
Kamientary