Ułady Nihiera, u jakim znachodzicca Saadzi Kadafi, syn Muamara Kadafi, nie zatrymlivali jaho i nie źbirajucca hetaha rabić.
«Ničoha ŭ pazicyi ŭrada Nihiera nie pamianiałasia. Saadzi Kadafi nie znachodzicca ŭ mižnarodnym vyšuku. Jon, jak i prychilniki Kadafi, jakija apynulisia ŭ Nihiery, znachodzicca pad nahladam», — adznačyŭ pradstaŭnik urada krainy ŭ Nijamiei pozna ŭviečary ŭ paniadziełak.
Raniej pradstaŭnik dziarždepartamienta ZŠA zajaviŭ Reuters, što ŭłady Nihiera źbirajucca zatrymać Saadzi Kadafi, jaki prybyŭ u hetuju krainu ź Livii ŭ kancy minułaha tydnia.
U pačatku vieraśnia Saadzi Kadafi zajaviŭ telekampanii CNN pra svoj niejtralitet u baraćbie pamiž nacyjanalnaj pierachodnaj radaj Livii z adnaho boku i svaimi bratam i baćkam — z druhoha. Jon adznačyŭ tady, što nie bačyŭsia z Muamaram Kadafi bolš za dva miesiacy.
0
0
0
0
0
0
