Siaredniaja cana pa respublicy na jałavičynu pieršaj katehoryi na kaniec śniežnia 2006 hoda składała Br 7168 i vahałasia ad Br 5390‑6600 u Pinsku, Baranavičach, Stolinie, Lidzie, Barysavie da Br7370‑9000 u Viciebsku, Mazyry, Hrodnie, Mahilovie, Babrujsku. Pra heta paviedamili karespandentu BIEŁTA u Ministerstvie statystyki i analizu.
Pavodle danych statystyki, siaredniaja cana pa respublicy na śvininu ŭ śniežni 2006 hoda składała Br7503. Samyja nizkija ceny na jaje byli ŭ Vierchniadźvinsku, Rahačovie, Vaŭkavysku, Ščučynie, Čavusach i składali Br6550‑6890. Samaja darahaja śvinina ŭ śniežni 2006 hoda pradavałasia ŭ Biarozie, Žytkavičach, Bierazinie, Babrujsku, Horkach. Žychary hetych haradoŭ kuplali jaje pa canie Br7950‑9000 za 1 kh. Heta byli samyja vysokija ceny na śvininu z pačatku hoda, padkreślili ŭ Minstacie.
Samyja nizkija ceny na śviežuju kapustu ŭ śniežni minułaha hoda byli ŭ Stolinie, Homieli, Horkach, Klimavičach, Čavusach i skłali Br330‑390 pry siaredniaj canie na jaje ŭ respublicy Br513. Samyja vysokija ceny na kapustu byli ŭ Biarozie, Vierchniadźvinsku, Mazyry, Ašmianach, Bierazinie, dzie jaje pradavali pa Br560‑660 za 1 kh.
Siaredniaja cana pa respublicy na cybulu repčatuju ŭ śniežni składała Br1085. Samaja tannaja cybula ŭ Stolinie, Homieli, Mazyry, Žytkavičach, Vaŭkavysku, Barysavie, dzie jaje možna było nabyć pa Br840‑990 za 1 kh. Najbolš vysokija ceny na cybulu ŭ śniežni minułaha hoda byli ŭ Oršy, Navapołacku, Hłybokim, Bierazinie, Klimavičach, dzie cybulu pradavali pa Br1150‑1210.
Košt bulby ŭ siarednim pa respublicy ŭ śniežni minułaha hoda składaŭ Br684. Samyja nizkija ceny na jaje byli ŭ Pinsku, Stoŭbcach, Horkach, Klimavičach i Čavusach, dzie jaje pradavali pa Br500‑540. Najbolš vysokija ceny na jaje zachoŭvalisia pa‑raniejšamu ŭ Biarozie, Viciebsku, Oršy, Vierchniadźvinsku, Minsku. U hetych haradach «druhi chleb» pradavaŭsia pa canie Br720‑830 za 1 kh.
Siaredniaja cana na buraki pa respublicy składała Br669 i vahałasia ad Br330‑500 u Homieli, Stoŭbcach, Bierazinie, Babrujsku, Horkach, Čavusach da Br740‑770 u Biarozie, Viciebsku, Oršy, Mazyry, Minsku.
Nahadajem, paraŭnalny analiz cen štomiesiac pravodzicca na pradpryjemstvach handlu ŭsich form ułasnaści, aficyjnych i niefarmalnych rynkach u 31 horadzie respubliki. Pa jaho vynikach, samyja nizkija ceny na asnoŭnyja pradukty charčavańnia ŭ śniežni minułaha hoda byli ŭ Pinsku, Stolinie, Homieli, Čavusach i Horkach, a samyja vysokija ‑ u Bierazinie, Biarozie, Mazyry, Viciebsku, Oršy, Babrujsku i Minsku.
