Jon śćviardžaje, što jamu nibyta pakazvali kadry, dzie Kanavałaŭ išoŭ z sumkaj u mietro, ale nie pakazali, dzie Dźmitryj byŭ užo biez sumki.
Siońnia ŭ sudzie Uładzisłaŭ Kavaloŭ zajaviŭ, što Dźmitryj Kanavałaŭ nie ŭzryvaŭ bombu ŭ mietro.
Kavaloŭ skazaŭ: «Ja dumaju, Dźmitryj nie ŭzryvaŭ bombu ŭ 2011 hodzie. Ci mała što tam pakazvali» [majucca na ŭvazie kadry videanahladu, na jakich Dźmitryj Kanavałaŭ idzie ŭ mietro z sumkaj na stancyju «Kastryčnickaja», a paśla vybuchu nazad — biez sumki]. Jon śćviardžaje, što jamu nibyta pakazvali kadry, dzie Kanavałaŭ išoŭ z sumkaj u mietro, ale nie pakazali, dzie Dźmitryj byŭ užo biez sumki.
Na sudzie 15 vieraśnia sam Kanavałaŭ zajaviŭ, što pryznaje svaju vinu pa vybuchu 11 krasavika.
Taksama Kavaloŭ zajaviŭ, što Dźmitryj Kanavałaŭ ź dziacinstva zachaplaŭsia piratechnikaj i rabiŭ uzryŭpakiety.
«My viedali adzin adnaho ź pieršaha kłasa. Napeŭna, vučylisia razam da vośmaha… U Kanavałava było zachapleńnie chimijaj i piratechnikaj. Uzryŭpakiety ŭzryvali razam, u asnoŭnym na Novy hod. Uzryvali na vulicy, nie ličačy epizodaŭ z uzryvam škła [u padjezdach]», — skazaŭ Kavaloŭ. Pry hetym jon tak i nie zmoh dakładna skazać, ci byli jany siabrami.
Kavaloŭ adznačyŭ: «Ja jamu daviaraŭ».U toj ža čas skazaŭ: «U nas byli supolnyja intaresy». Ale jakija mienavita, nie ŭdakładniŭ.
Kavaloŭ paćvierdziŭ, što ŭ Kanavałava było pamiaškańnie ŭ padvale: «Tolki ja nie ŭpeŭnieny, kali jano źjaviłasia. Ja byvaŭ u hetym padvale. Piva piŭ, muzyku słuchali». Jon rastłumačyŭ, što heta było ŭžo nie ŭ školnym uzroście.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary