Pasoł Mora sustrełasia ź lidarami hramadzianskaj supolnaści
Siońnia, 26 vieraśnia, napiaredadni Varšaŭskaha samita Uschodniaha partniorstva ambasadar Majra Mora, kiraŭnik Pradstaŭnictva ES u Biełarusi, sustrełasia ź biełaruskimi ŭdzielnikami nacyjalnalnaj płatformy Foruma hramadzianskaj supolnaści Uschodniaha partniorstva, kab abmierkavać paradak dnia i arhanizacyjnyja aśpiekty samita.
Siońniašniaja sustreča — adna z šerahu sustreč, jakija prachodziać u krainach Uschodniaha partniorstva i praviadzieńnie jakich inicyjavanaje kamisaram Štefanam Fiule, kab udzielniki mahli padrychtavacca da samita i imprezaŭ, što buduć jamu spadarožničać.
Ambasadar Mora pryvitała ŭdzielnikaŭ. «Sustreča ŭdzielnikaŭ Nacyjanalnaj płatformy — heta novy krok u raźvićci inicyjatyvy Uschodniaje partniorstva," skazała jana. «Mocnaje partniorstva z hramadzianskaj supolnaściu, što maje na mecie pabudovu hłybokaj i ŭstojlivaj demakratyi, budzie vybitnaj častkaj paradku dnia samita. My budziem uzmacniać rolu Foruma hramadzianskaj supolnaści i praz padtrymku nacyjanalnych płatformaŭ, i praz zasnavańnie Prahramy dla hramadzianskaj supolnaści ŭ ramkach palityki susiedstva i Jeŭrapiejskaha fonda padtrymki demakratyi," adznačyła ambasadar.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary