Biełaruś nie płanuje źnižać canu prodažu dziaržpakieta akcyj MTS
Ab hetym paviedamiŭ siońnia na videabryfinhu ŭ Minsku pieršy namieśnik dyrektara Fondu dziaržmajomaści Dziaržkammajomaści Piotr Łukjanaŭ.
Ekśpiert adznačyŭ, što košt dziarždoli (51 pracent) u kampanii MTS vyznačany kiraŭnikom dziaržavy i składaje $1 młrd. «Prezident vyznačyŭ canu, i heta minimalnaja cana», — dadaŭ jon. Piotr Łukjanaŭ taksama padkreśliŭ, što acenka koštu dziaržpakieta akcyj MTS praviedziena ŭ adpaviednaści z zakanadaŭstvam. Konkurs pa prodažy hetych akcyj zapłanavany na 1 śniežnia. Patencyjalnyja inviestary prainfarmavany ab hetym mierapryjemstvie.
Jak raniej paviedamlałasia, Dziaržaŭny kamitet pa majomaści Biełarusi sumiesna z RUP «Biełtelekam» praviadzie 12 kastryčnika ŭ Minsku prezientacyju MTS pierad aŭkcyjonam pa prodažy dziarždoli ŭ statutnym fondzie kampanii — apieratara mabilnaj suviazi. Meta prezientacyi — prademanstravać patencyjalnym pakupnikam mahčymaści i patencyjał kampanii MTS. Akramia taho, arhanizatary ličać, što heta sustreča pasłužyć dobraj placoŭkaj dla praviadzieńnia papiarednich pierahavoraŭ pa mahčymaj ździełcy.
***
Ciapier čytajuć
Što viadoma pra byłoha palitviaźnia Sakałoŭskaha, jaki pamior u Bierlinie ŭ 47 hadoŭ1
Kamientary