Pra heta zajaviŭ ministr enierhietyki i pryrodnych resursaŭ Tanier Jyłdyz. Jon patłumačyŭ hetaje rašeńnie tym, što Rasija admoviłasia dać skidku na paliva ŭ tym pamiery, jaki zaprasiła Ankara.
Pa słovach ministra, cana na haz za apošnija 29 miesiacaŭ padniałasia prykładna na 39%.
Heta prymusić Turcyju pierahledzieć kožny z kantraktaŭ pa miery zakančeńnia ich terminu, zajaviŭ Jyłdyz.
Pra mahčymaść admovy ministr kazaŭ jašče ŭ čaćvier. Tady ž jon skazaŭ, što damovy na pastaŭku rasijskaha «błakitnaha paliva» pa inšych kalidorach zastajucca ŭ sile.
Pahadnieńnie ab pastaŭkach rasijskaha pryrodnaha hazu ŭ Turcyju, pra jaki idzie havorka, było padpisana ŭ 1986 hodzie. Termin jaho dziejańnia minaje ŭ śniežni hetaha hoda.
U ciapierašni čas Turcyja atrymlivaje haz z dvuch kirunkaŭ: «zachodnim maršrutam» praz Ukrainu i Bałharyju, a taksama z hazapravodu «Błakitnaja płyń», truby jakoha prakładzieny pa dnie Čornaha mora, niepasredna z Rasii.
U minułym hodzie Turcyja impartavała kala 18 miljardaŭ kubamietraŭ hazu z Rasii. Heta prykładna 60% ad ahulnaha abjomu spažyvańnia hazu ŭ hetaj krainie.
Dyskusii vakoł cen na haz dla Turcyi šyroka abmiarkoŭvalisia ŭ rasijskaj presie na minułym tydni. Tak, hazieta «Kommiersant» adznačała, što ŭ «Hazpramie» i ŭradzie pazicyju Turcyi ŭsprymali chutčej jak blef.
Pry hetym, jak nahadvajuć ekśpierty, Maskva zaležyć ad Ankary ŭ adnym z najvažniejšych enierhietyčnych prajektaŭ — budaŭnictvie hazapravoda South Stream.
Pavodle źviestak «Kommiersanta», cana na haz dla Turcyi značna nižejšaja, čym dla jeŭrapiejskich krain — $250 za tysiaču kubamietraŭ suprać $350.
Źnizić ceny i źmianić umovy hazavych kantraktaŭ raniej sprabavali takija jeŭrapiejskija enierhietyčnyja kampanii, jak hiermanskija E.On, Wingas i RWE, italjanskaja Eni, aŭstryjskaja EconGas, finskaja Gasum, a taksama francuzskija Gaz de France i GDF Suez.
