Pra heta načalnik upraŭleńnia farmaceŭtyčnaj inśpiekcyi i arhanizacyi lekavaha zabieśpiačeńnia Ministerstva achovy zdaroŭja Biełarusi Ludmiła Ravuckaja zajaviła 13 kastryčnika na
«Bankami na try dni była prypynienaja kanviertacyja valuty pa kursie Nacbanka dla nabyćcia lekavych srodkaŭ. Ministerstva padklučyłasia da vyrašeńnia hetaj prablemy, i ciapier jana vyrašana: banki pačali kanviertacyju valuty pa kursie Nacbanka», — paviedamiła Ravuckaja.
«U 2009 hodzie byŭ składany pieryjad, tady sapraŭdy adbyłosia rezkaje adnamomantnaje padaražańnie lekavych srodkaŭ, i my byli vymušanyja prymać niejkija miery. My źviarnulisia da ŭsich vytvorcaŭ, zamiežnych, ajčynnych, z prośbaj dałučycca da nas z tym, kab nie dapuścić rezkaha rostu cen», — adznačyła pradstaŭnik ministerstva.
Pavodle infarmacyi Ludmiły Ravuckaj, Ministerstva achovy zdaroŭja štotydniova ažyćciaŭlaje manitorynh biełaruskich aptek. U hety pieryjad apteki praviarajuć na najaŭnaść lekavych srodkaŭ dla prafiłaktyki i lačeńnia VRVI i hrypu napiaredadni siezona čakanaha ŭzdymu zachvorvańnia. «Učora padvodzili vyniki manitorynhu minułaha tydnia — u aptekach jość dastatkovy asartymient lekavych srodkaŭ dla prafiłaktyki VRVI i hrypu», — paviedamiła Ravuckaja.
Taksama jana paviedamiła, što ministerstva rychtuje źmianieńni va ŭkaz prezidenta Biełarusi № 366 «Ab farmiravańni cen na lekavyja srodki, vyraby miedycynskaha pryznačeńnia i miedycynskuju techniku».
U hety momant sub`iekty haspadarańnia mohuć pravodzić pieraacenku «pry najaŭnaści kredytorskaj zapazyčanaści, źmianieńni kursu na
Pavodle słoŭ pradstaŭnika ministerstva, siońniašniaja farmaceŭtyčnaja vytvorčaść naroščvaje tempy raźvićcia i dasiahnuła peŭnych pośpiechaŭ. U arsienale miedycynskich rabotnikaŭ prysutničajuć srodki amal usich farmakaterapieŭtyčnych hrup — i sučasnyja antybijotyki, i lekavyja srodki dla lačeńnia ankałahičnych zachvorvańniaŭ.
«Ja dumaju, my možam z aptymizmam hladzieć u budučaje nasyčeńnie ŭnutranaha rynku lekavymi srodkami, u tym liku impartnaj vytvorčaści», — padkreśliła Ravuckaja.
