Matč Lihi čempijonaŭ — 1 listapada.
Čamu treba znajści čas, kab zavitać na trybuny?
№1.
BATE ŭsio jašče nie maje nivodnaj pieramohi ŭ hrupavym etapie Lihi čempijonaŭ. Najbolš blizkimi da jaje barysaŭcy byli ŭ hulni jakraz ź italjancami. Ale sustreča z «Juvientusam» try hady tamu skončyłasia ŭničyju — 2:2. Čamu b ciapier nie skončyć pačataje ŭ hulni ź inšym italjanskim kłubam?
№2.
U minułuju niadzielu BATE ŭ vośmy raz staŭ čempijonam krainy. Pa hetym pakazčyku pierahnali minskaje «Dynama». Na žal, tryumf kamandy pabačyli niamnohija. Nie było navat nivodnaj videakamiery. Hulnia z «Miłanam» — dobraja nahoda padziakavać kamandzie za siezon.
№3.
«Miłan» siem razoŭ zavajoŭvaŭ tytuł pieramožcy Lihi čempijonaŭ. Za kamandu hulali mnohija viadomyja hulcy minułaha i sučasnaści — Hulit, van Basten, Šaŭčenka, Kaka, Maldzini, Barezi. Nie kožny dzień u Biełaruś pryjazdžaje kamanda z takoj bahataj historyjaj.
№4.
Złatan Ibrahimavič. Niachaj kažuć, što šviedski bambardzir baśnijskaha pachodžańnia ŭžo nie toj, ale Ibrahimavič dakazvaje hulnioj, što jon u paradku. Navat hoł zabiŭ BATE ŭ pieršaj hulni. Dy i aproč Ibrahimaviča pahladzieć budzie na kaho: Ziejedorf, Boatenh, Indzahi, Kasana.
№5.
Dačakacca hoła Macieja Kiežmana. Sierb užo dva miesiacy ŭ Biełarusi, a nivodnaha hoła ad jaho zaŭziatary tak i nie pabačyli. Nie skazać, kab Kiežman nie staraŭsia, vyhladaje na poli nie horš za astatnich, a nie šancuje. Moža, u sustrečy z «Miłanam» narešcie prarvie?
№6.
U «Miłana» nie prosty ŭładalnik, a ceły premjer-ministr Italii Silvia Bierłuskoni. Siabar Alaksandra Łukašenki. Niekali Bierłuskoni chacieŭ pradać svoj kłub Muamaru Kadafi.
№7.
Nadvorje budzie dobrym, jak dla pačatku listapada. Sinoptyki pieradajuć, što ŭ aŭtorak čakajecca plusavaja tempieratura. Mierznuć na trybunach nie daviadziecca.
***
FK «Miłan». Zasnavany ŭ 1899. 18-razovy čempijon Italii, 7-razovy pieramožca Lihi čempijonaŭ. Mianuška — čyrvona-čornyja djabły. Stadyjon — «San-Sira». Uvachodzić u dziasiatku kłubaŭ z samymi vialikimi zarobkami ŭ śviecie. Dvanaccataje miesca ŭ rejtynhu UEFA.
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj1
Kamientary