Asiennija školnyja kanikuły pačnucca 29 kastryčnika 1

Asiennija kanikuły dla 920 tys. školnikaŭ Biełarusi projduć z 29 kastryčnika pa 7 listapada,

Roznabakovaje raźvićcio asoby dziciaci — asnoŭnaja zadača ŭsich mierapryjemstvaŭ, jakija zapłanavana pravieści na školnym, rajonnym, rehijanalnym i respublikanskim uzroŭniach u hetyja dni.

Płanujučy rabotu na kanikułach, nastaŭniki, arhanizatary, kiraŭniki navučalnych ustanoŭ abaviazkova ŭličać pažadańni i zapyty navučencaŭ i ich baćkoŭ. I kali dla adzinaccacikłaśnikaŭ, naprykład, buduć arhanizavany dadatkovyja zaniatki pa pradmietach dla padrychtoŭki da ekzamienaŭ, to małodšaja i bazavaja škoły, biezumoŭna, bolš času praviaduć udzielničajučy ŭ konkursach, spartyŭnych hulniach, spabornictvach, ekskursijach i pachodach, padkreślili ŭ pres-centry.

Školniki rehijonaŭ krainy prymuć udzieł u mierapryjemstvach treciaha etapu respublikanskaj akcyi «Žyvu ŭ Biełarusi i tym hanarusia», patryjatyčnych i historyka-krajaznaŭčych ekśpiedycyjach «Zamki Biełarusi», «Darohami vyzvaleńnia», u tvorčym konkursie navukova-daśledčych rabot patryjatyčnaj nakiravanaści «Ja kožnuju chvilinu biełarus» i inšych mierapryjemstvach u ramkach realizacyi Prahramy bieśpierapynnaha vychavańnia dziaciej i vučnioŭskaj moładzi ŭ Respublicy Biełaruś na 2011–2015 hady.

Asablivaje značeńnie ŭ pieryjad kanikuł nadajecca dziejnaści ŭstanoŭ dadatkovaj adukacyi dziaciej i moładzi, jakija źjaŭlajucca kaardynatarami i mietadyčnymi centrami, inicyjatarami mnohich cikavych spraŭ, jakija abjadnoŭvajuć tysiačy dziaciej. Šyrokija mahčymaści dla arhanizacyi volnaha času navučencaŭ u pieryjad asieńnich kanikuł pradastaŭlaje Nacyjanalny centr mastackaj tvorčaści dziaciej i moładzi, a taksama Centr akijanahrafii «Adkryty akijan» u Minsku, jaki realizuje ŭnikalnuju prahramu «Mora dzieciam». Ideja prahramy — abjadnać i kaardynavać usie marskija prajekty ŭ respublicy dla dziaciej i moładzi.

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH