Svabodnaje biełaruskaje telebačańnie jašče nie pačało viaščać, a ideolahi ŭžo prymajuć miery.
Siarod pryčynaŭ stvareńnia novaha kanału haradzienski sajt blog.grodno.net bačyć uzmacnieńnie dziaržaŭnaj prapahandy napiaredadni źjaŭleńnia niezaležnaha biełaruskaha telebačańnia ŭ Polščy.
Novy kanał budzie kabelnym. Pra heta paviedamlaje haradzienski sajt blog.grodno.net. Tranślavacca budzie piać razoŭ na tydzień z 18‑j pa 22‑iu ŭ metrovym dyjapazonie. Budučaja prahrama pazycyjanuje siabie, jak siamiejnaja i budzie pracavać na infarmacyjnym kanale «Harant».
Zasnavalnikami novaha kanału vystupili Haradzienski ŭniversytet imia Janki Kupały, AAT «Harant» i harvykankam. Papaŭnieńnie siarod haradzkich telekanałaŭ tłumačać nibyta adčuvalnym infarmacyjnym vakuumam. Prysutnaść siarod zasnavalnikaŭ universytetu tłumačycca tym, što jon pačynaje padrychtoŭku žurnalistaŭ, i stvareńnie novaha kanału daje dadatkovuju mahčymaść stažyroŭki.
Jašče adnoj pryčynaj stvareńnia novaha kanału haradzienski sajt blog.grodno.net bačyć uzmacnieńnie dziaržaŭnaj prapahandy napiaredadni źjaŭleńnia niezaležnaha biełaruskaha telebačańnia ŭ Polščy.
Uskosna hetuju versiju paćviardžajuć słovy pieršaha namieśnika načalnika hałoŭnaha idealahičnaha ŭpraŭleńnia Administracyi prezydenta Alaksandar Słabadčuka, skazanyja im na vynikovaj kalehii ŭpraŭleńnia idealahičnaj pracy Haradzienskaha abłvykankamu.
Pavodle pieršaha namieśnika, idealahičnaja praca nia moža być efektyŭnaj biez udziełu ŚMI. Adznačyŭ Alaksandr Słabadčuk, «ŚMI pavinnyja mabilizavać nasielnictva na vyrašeńnie važniejšych narodnahaspadarčych zadačaŭ, jakija byli pastaŭlenyja na Ŭsiebiełaruskim narodnym schodzie» – adznačyŭ A. Słabadčuk.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary