«Ja nie pierabolšvaju»: zrabili z Kadafi horš, čym fašysty.
Alaksandr Łukašenka vielmi niehatyŭna acaniŭ dziejańni NATO ŭ Livii.
«Ździejśniena ahresija, zabita kiraŭnictva krainy, nie tolki Muamar Kadafi. Pry tym, jak zabity? Nu, zastrelili b u bai, zahinuŭ by čałaviek, ale ź jaho ździekavalisia, stralali, paranienaha hvałtavali, krucili hałavu, ruki vykručvali, a potym — zamučyli. Horš, čym fašysty ŭ svoj čas», — zajaviŭ A. Łukašenka ŭ piatnicu, adkazvajučy na pytańnie ahienctva
Kamientujučy padziei, jakija adbylisia ŭ Livii, Łukašenka zaŭvažyŭ:
«Jak my možam reahavać? Vielmi niehatyŭna».
«Jak my možam rasceńvać dziejańni NATO ŭ Livii? Jak parušeńnie mandata AAN, Rady biaśpieki AAN», — adznačyŭ jon.
«Ja nie pierabolšvaju, heta Rada biaśpieki — biezhałovaja i biestałkovaja. Ja nie pierabolšvaju i rolu AAN, jakaja ŭžo ŭ niejkuju šyrmu pieratvaryłasia»,— zajaviŭ A. Łukašenka, nahadaŭšy taksama ab padziejach u Iraku i Afhanistanie.
«Dzie hetaja AAN, čamu ŭsio heta nie praduchilili?
Bolš za toje — padhulali ahresaram — byccam by napisali adno, mandat adzin, a ŭzbrojenyja siły NATO pajšli na parušeńnie hetaha mandatu»,— kanstatavaŭ Łukašenka. Pavodle jaho słoŭ, «nie daj boh, kab hetaja palityka, dziejańni, uziali vierch na našaj płaniecie». Pry hetym A. Łukašenka adznačyŭ, što ŭ Jehipcie, Tunisie, dzie adbylisia revalucyi, siońnia ŭzmacniajecca rola radykalnych isłamistaŭ. «U Livii budzie jašče horš, bo tam kałasalnyja zapasy resursaŭ, tudy ŭsie rynulisia, kab prychapić hetyja bahaćci», — skazaŭ Łukašenka.
Akramia taho, adznačyŭ jon, u Livii da ŭłady prychodziać «nie zusim pažadanyja dla Zachadu ludzi». «A tut jany [Zachad] užo kiravać nie zmohuć. Za što zmahalisia, na toje i naparolisia», — zajaviŭ Łukašenka. Jon padkreśliŭ, što padziei ŭ Livii — «heta akt vandalizmu
Miž tym, zajaviŭ Łukašenka, «heta pakazvaje tvar hetak zvanych nastaŭnikaŭ demakratyi. Vam patrebna takaja demakratyja?», — zadaŭ pytańnie žurnalistam Łukašenka.
Jak viadoma, ahienty Muamara Kadafi padryvali ŭ krainach Zachadu hramadzianskija samaloty, padkładali bomby na dyskatekach. Jon finansavaŭ terakty navat u arabskich krainach i arhanizavaŭ partyzanskija ruchi ŭ šmatlikich afrykanskiz respublikach. Heta pryviało da taho, što Kadafi nienavidzieli ŭ roznych krainach, choć da pary i vymušanyja byli ličycca ź im. bo jon varočaŭ hihanckimi dachodam ad nafty.
Kamientary