«Я не перабольшваю»: зрабілі з Кадафі горш, чым фашысты.
Аляксандр Лукашэнка вельмі негатыўна ацаніў дзеянні НАТО ў Лівіі.
«Здзейснена агрэсія, забіта кіраўніцтва краіны, не толькі Муамар Кадафі. Пры тым, як забіты? Ну, застрэлілі б у баі, загінуў бы чалавек, але з яго здзекаваліся, стралялі, параненага гвалтавалі, круцілі галаву, рукі выкручвалі, а потым — замучылі. Горш, чым фашысты ў свой час», — заявіў А. Лукашэнка ў пятніцу, адказваючы на пытанне агенцтва
Каментуючы падзеі, якія адбыліся ў Лівіі, Лукашэнка заўважыў:
«Як мы можам рэагаваць? Вельмі негатыўна».
«Як мы можам расцэньваць дзеянні НАТО ў Лівіі? Як парушэнне мандата ААН, Рады бяспекі ААН», — адзначыў ён.
«Я не перабольшваю, гэта Рада бяспекі — безгаловая і бесталковая. Я не перабольшваю і ролю ААН, якая ўжо ў нейкую шырму ператварылася»,— заявіў А. Лукашэнка, нагадаўшы таксама аб падзеях у Іраку і Афганістане.
«Дзе гэтая ААН, чаму ўсё гэта не прадухілілі?
Больш за тое — падгулялі агрэсарам — быццам бы напісалі адно, мандат адзін, а ўзброеныя сілы НАТО пайшлі на парушэнне гэтага мандату»,— канстатаваў Лукашэнка. Паводле яго слоў, «не дай бог, каб гэтая палітыка, дзеянні, узялі верх на нашай планеце». Пры гэтым А. Лукашэнка адзначыў, што ў Егіпце, Тунісе, дзе адбыліся рэвалюцыі, сёння ўзмацняецца роля радыкальных ісламістаў. «У Лівіі будзе яшчэ горш, бо там каласальныя запасы рэсурсаў, туды ўсе рынуліся, каб прыхапіць гэтыя багацці», — сказаў Лукашэнка.
Акрамя таго, адзначыў ён, у Лівіі да ўлады прыходзяць «не зусім пажаданыя для Захаду людзі». «А тут яны [Захад] ужо кіраваць не змогуць. За што змагаліся, на тое і напароліся», — заявіў Лукашэнка. Ён падкрэсліў, што падзеі ў Лівіі — «гэта акт вандалізму
Між тым, заявіў Лукашэнка, «гэта паказвае твар гэтак званых настаўнікаў дэмакратыі. Вам патрэбна такая дэмакратыя?», — задаў пытанне журналістам Лукашэнка.
Як вядома, агенты Муамара Кадафі падрывалі ў краінах Захаду грамадзянскія самалёты, падкладалі бомбы на дыскатэках. Ён фінансаваў тэракты нават у арабскіх краінах і арганізаваў партызанскія рухі ў шматлікіх афрыканскіз рэспубліках. Гэта прывяло да таго, што Кадафі ненавідзелі ў розных краінах, хоць да пары і вымушаныя былі лічыцца з ім. бо ён варочаў гіганцкімі даходам ад нафты.
Цяпер чытаюць
Пальчыс, Андрэева, Лойка і іншыя імёны — пасля візіту амерыканскіх дыпламатаў у Мінск вызвалілі 250 палітвязняў12
Каментары