Fotafakt ad Ryhora Kastusiova: Pieraviernuty dziaržaŭny ściah na vajenkamacie
Palityk sfatahrafaŭ jaho ŭ Škłovie.
Ryhor Kastusioŭ 5 listapada sfatahrafavaŭ aficyjny ściah Biełarusi na budynku Škłoŭskaha rajvajenkamatu ź pieraviernutymi kolerami — zialonym uviersie, čyrvonym unizie.
Kastusioŭ: «U Škłoŭ ja pryjechaŭ pa svaich spravach ranicaj. Ubačyŭ na vajenkamacie pieraviernuty ściah — padumaŭ, pieraviesiać. Bližej da druhoj pałovy dnia karcina nie źmianiłasia. Ja vyjšaŭ z mašyny j sfatahrafavaŭ. Navokał było bahata ludziej, ale nichto nie źviartaŭ na ściah uvahi. Voś tabie j dziaržaŭnaja idealohija. Joj tłumiać ludziam hałavu amal dvaccać hadoŭ — i plonu nijakaha. U vajenkamacie ž pracujuć adukavanyja ludzi — vajskoŭcy. Im ža baranić, jak kaža Łukašenka, krainu, a jany ściah vyviesić nia mohuć.
Jak tut nie pryhadać Ciciankova, jaki rvaŭ bieł-čyrvona-bieły ściah na šmatki — dzie jon ciapier? Vinavatym, zrazumieła, zrobiać jakohaści dvornika, jaki apyniecca krajnim».
U vajenkamacie praz telefon zapeŭnili, što sytuacyi ź pieraviernutym ściaham na ich budynku nia moža być, i paabiacali pahladzieć.
Hladzi jašče: Łukašenkaŭski ściah na prakuratury visić dahary nahami — fota
Ciapier čytajuć
Na mitynhu ŭ Vilni palicyja zatrymała pravakatara. A Cichanoŭski zajaviŭ pra namier dabivacca sustrečy ź Zialenskim1
Kamientary