Ekanamičny błok u Administracyi prezidenta «pavinien nie dublavać dziejnaść urada, a nabyć palityčnuju afarboŭku». Pra heta, pavodle infarmacyi
Jak paviedamlałasia raniej, u prezidenckaj administracyi Tur zojmie miesca Andreja Kabiakova, jaki 8 listapada byŭ pryznačany ŭkazam kiraŭnika dziaržavy na pasadu pasła Biełarusi ŭ Rasii, pastajannaha pradstaŭnika Biełarusi pry Jeŭrazijskaj ekanamičnaj supolnaści pa sumiaščalnictvie. Pasadu namieśnika ministra ekanomiki Tur zajmaŭ na praciahu 15 hadoŭ.
Źviartajučysia siońnia da novaha namieśnika kiraŭnika svajoj administracyi, Łukašenka padkreśliŭ: «
Administracyja prezidenta — heta palityčny orhan, i ekanomika tut pavinna prałamlacca praz palityku, heta vielmi važna. Vy, ščyra kažučy, heta možacie zrabić.Toje, što vy možacie vieści palemiku, toje, što vy čałaviek adukavany, razumny, i toje, što vy vałodajecie vielizarnym tearetyčnym materyjałam, — heta vielmi važna, tamu što ŭ nas šmat ekanamičnych praktykaŭ u Administracyi prezidenta, i heta časam apuskaje ich na ŭzrovień dziejnaści pradpryjemstvaŭ. Heta taksama dobra i treba, peŭna, ale ŭsio ž jašče raz padkreślivaju, što ekanamičny błok Administracyi — heta błok asablivy, heta błok palityki, kali chočacie, teoryi, heta stratehija, heta pohlad u budučyniu. Chaču padkreślić, što dla nas vielmi važna, kab u ekanamičnym błoku Administracyi prezidenta adbylisia surjoznyja pierastanoŭki».
Łukašenka zaklikaŭ Tura pierajści «ad drobiaznaj apieki, ad pošuku kručkoŭ, kosak u dakumientach», jakija nakiroŭvajucca ŭradam u administracyju, «da vykanańnia kantrolnych funkcyj i aryjentacyi prezidenta na istotnyja faktary».
Varta adznačyć, što napiaredadni, 10 listapada, kiraŭnik dziaržavy rezka raskrytykavaŭ pracu ŭrada na čale ź Michaiłam Miaśnikovičam, bo, pavodle jaho mierkavańnia, urad zališnie zachapiŭsia rynkavymi reformami. Łukašenka zapatrabavaŭ ad Savieta ministraŭ prytrymlivacca palityki, vypracavanaj Usiebiełaruskim narodnym schodam i prezidentam. «Vy sfarmiravany prezidentam pad peŭnuju zadaču», — nahadaŭ jon.
