Instytut jeŭrapiejskich daśledavańniaŭ i mižnarodnych znosinaŭ (IESIR, Słavakija) i Biełaruski instytut stratehičnych daśledavańniaŭ (BISS, Litva) pry padtrymcy Słavackaha ahienctva pa supracoŭnictvie ŭ mižnarodnym raźvićci (Slovak Aid) zasnavali stypiendyjalnuju prahramu dla biełaruskich studentaŭ, zacikaŭlenych u navučańni ciaham 5-6 miesiacaŭ ŭ Słavakii.
Pieršasnaja meta stypiendyjalnaj prahramy imia byłoha dyrektara BISS Vitala Silickaha, jaki zaŭčasna pajšoŭ z žyćcia hetym letam, – udaskanalić navyki, viedy i kvalifikacyju biełaruskich studentaŭ u śfierach jeŭrapiejskaj intehracyi, instytucyjnaha budaŭnictva i naležnaha dziaržkiravańnia.
Heta meta maje być realizavanaj praz udzieł u lekcyjach, sieminarach, kruhłych stałach i dyskusijach, sfakusavanych na jeŭrapiejskich pytańniach, jakija buduć pravodzicca jak słavackimi ekśpiertami, tak i zaprošanymi haściami. Usie hetyja mierapryjemstvy buduć prachodzić jak niepasredna va ŭniviersitecie imia Komienskaha, tak i ŭ inšych akademičnych instytucyjach i daśledčych centrach Bracisłavy.
Skarystacca prahramaj mohuć vypuskniki ŭniviersitetaŭ albo kandydaty navuk ź Biełarusi. U vyklučnych vypadkach mohuć razhladacca zajaŭki ad paśpiachovych studentaŭ-bakałaŭraŭ. Pieravaha budzie addavacca tym aplikantam, chto na momant zajaŭki pražyvaŭ u Biełarusi, ale mahčymyja vyklučeńni.
Prapanujecca ŭniviersitecki kurs na druhi siemiestr (5 miesiacaŭ) dla 5-6 biełaruskich studentaŭ ŭ 2011/2012 akademičnym hodzie. Studenty, jakija majuć prablemy ŭ svaich navučalnych ustanovach pa palityčnych matyvach, asabliva vitajucca da ŭdziełu.
Pradstaŭlajecca štomiesiačnaja stypiendyja ŭ 600 jeŭra, jakaja pakryvaje vydatki na pierajezd, pražyvańnie, bytavyja vydatki (ježa, kanctavary i h.d.) i kaardynacyju. Dadatkova da stypiendyi pradstaŭlajecca taksama padtrymka ŭ sumie 5000 jeŭra na ŭsich udzielnikaŭ, praduhledžanaja dla nabyćcia litaratury i inšych vydatkaŭ, źviazanych z daśledčyckaj dziejnaściu.
Zajaŭniki pavinny pradstavić:
• zapoŭnienuju zajavu,
• matyvacyjny list,
• razhornutuju bijahrafiju
• 2 rekamiendacyjnyja listy ad lektaraŭ, prafiesaraŭ i/albo pradstaŭnikoŭ NDA.
Usie dakumienty, aproč rekamiendacyjaŭ, majuć być pradstaŭlenyja na anhlijskaj movie.
Pakolki bolšaść kursaŭ budzie vykładacca pa-anhlijsku, čakajecca, što aplikanty majuć dobry ŭzrovień anhielskaj movy, pažadana zaśviedčany adpaviednym siertyfikatam (z moŭnaj škoły, TOEFL, ispyt Cambridge i h.d.).
Zajaŭki majuć być adpraŭlenyja praz elektronnuju adresu visits@belinstitute.eu da 5 śniežnia 2011 hoda. Paśpiachovyja kandydaty buduć prainfarmavanyja ŭ chutkim časie. Praces adboru budzie adbyvacca praź intervju ŭ słavackaj ambasadzie albo praź videa-zvanok. Bolš infarmacyi tut.
Kamientary