Dziaciej u Biełarusi za 10 hod pamienieła 2

Za apošnija 10 hadoŭ dola dziaciej u ahulnaj kolkaści nasielnictva Biełarusi skaraciłasia na 5,6%.

Na pačatak 2011 hoda ŭ krainie naličvałasia 1 młn. 737,4 tys. čałaviek va ŭzroście da 18 let. Ź ich 40% — dzieci da 7 hadoŭ (695,1 tys. čałaviek), 41,3% — 7–14 hadoŭ (718,1 tys.), 18,7% — padletki 15–17 hadoŭ (324,2 tys.). Takija źviestki paviedamili BiełaPAN u Nacyjanalnym statystyčnym kamitecie napiaredadni Suśvietnaha dnia dziciaci, jaki adznačajuć 20 listapada.

Dola dziaciej u ahulnaj kolkaści nasielnictva krainy skaraciłasia z 23,9% na pačatak 2000 hoda da 18,3% na pačatak 2011 hoda, u tym liku jakija žyvuć u sielskaj miascovaści — z 22,3 da 18,1%.

Pavodle źviestak pierapisu nasielnictva 2009 hoda,

kolkaść siemjaŭ, jakija majuć dziaciej da 18 hadoŭ, skłała 45%.

Dla paraŭnańnia: pavodle vynikaŭ pierapisu 1999 hoda niepaŭnaletnich dziaciej mieli bolš za 56% siemjaŭ.

Troch i bolš dziaciej va ŭzroście da 18 hadoŭ, pavodle vynikaŭ apošniaha pierapisu, vychoŭvali 62,5 tys. siemjaŭ, ci krychu bolš za 5% siemjaŭ,

jakija majuć dziaciej.

Varta adznačyć, što ŭ 2007 hodzie, upieršyniu paśla 1995-ha, lik novanarodžanych u Biełarusi pieravysiŭ 100 tysiač. Uzrovień naradžalnaści pavialičyŭsia z 9,0 na 1.000 čałaviek u 2003 hodzie da 11,4 — u 2010 hodzie.

U 2010 hodzie ŭ krainie naradziłasia 108 tys. dziaciej — 55,7 tys. chłopčykaŭ i 52,3 tys. dziaŭčynak.

Za studzień-vierasień hetaha hoda naradziłasia 80,9 tys. dziaciej, što na 115 dziaciej bolš, čym za taki ž letašni pieryjad. Uzrovień naradžalnaści skłaŭ 11,4 na 1.000 čałaviek i ŭ paraŭnańni z pakazčykam minułaha hoda nie źmianiŭsia.

Sioleta ŭzrovień naradžalnaści vyšejšy za siarednierespublikanski adznačany ŭ Bresckaj vobłaści (12,6 na 1.000 čałaviek), Minskaj i Hrodzienskaj (pa 11,8). U Homielskaj vobłaści hety pakazčyk niaznačna pieravysiŭ uzrovień naradžalnaści ŭ siarednim pa krainie (11,5).

Na dolu pieršych naradžeńniaŭ u 2010 hodzie prypadała 52,3%, na dolu druhich i trecich — 44,7%, tady jak u 2005 hodzie na dolu pieršyncaŭ prypadała 58,2%, druhich i trecich dziaciej — 38,5%.

Pavodle źviestak Ministerstva achovy zdaroŭja, u 2010 hodzie pavodle vynikaŭ prafiłaktyčnych ahladaŭ tolki 27% dziaciej nie mieli adchileńniaŭ pa ŭsich prykmietach zdaroŭja abo mieli niaznačnyja adzinkavyja adchileńni, što nie patrabavali karekcyi, heta značyć byli pryznany zdarovymi. U 2005 hodzie hety pakazčyk składaŭ 28,4%.

Dola dziaciej, jakija majuć pieršuju hrupu zdaroŭja, siarod padletkaŭ 15–17 hadoŭ nižejšaja, čym va ŭzrostavaj hrupie da 14 hadoŭ.

15,3% dziaciej u 2010 hodzie mieli chraničnyja patałohii, pryrodžanyja defiekty raźvićcia ci invalidnaść (treciaja i čaćviortaja hrupy zdaroŭja).

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH