17 listapada ŭ Viciebsku supracoŭnikami ABEZ Kastryčnickaha RAUS i Kastryčnickaha adździeła achovy byŭ zatrymany 30-hadovy viciebčuk,
jaki z sakavika 2009 pa vierasień 2011 zajmaŭ kiroŭnuju pasadu ŭ adnoj z bujnych arhanizacyj horada.
Jak paviedamlaje pres-słužba departamienta achovy, zatrymany, złoŭžyvajučy słužbovymi paŭnamoctvami, vykraŭ z terytoryi pradpryjemstva, raźmieščanaha pa vuł. P. Broŭki, 34, budaŭničyja materyjały, pryčyniŭšy materyjalnuju škodu ŭ pamiery 40,4 młn rubloŭ. 18 listapada suprać jaho raspačataja kryminalnaja sprava pa č. 4 art. 210 KK «Kradziež šlacham złoŭžyvańnia słužbovymi paŭnamoctvami», maksimalnaje pakarańnie praduhledžanaje hetym artykułam — da dvanaccaci hadoŭ pazbaŭleńnia voli z kanfiskacyjaj majomaści i z pazbaŭleńniem prava zajmać peŭnyja pasady abo zajmacca peŭnaj dziejnaściu.
news.vitebsk.cc
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
