Kreml znajšoŭ sabie pierajemnika na biełaruskaha prezydenta, piša žoŭtaja rasiejskaja hazeta «Viersija». Heta niechta Siarhiej Karakin (Kariakin). Telefonnyja daviedniki ŭ Miensku viedajuć usiaho dva takija persanažy. Internet-pašukoviki vyvodziać na ŭkrainskaha šachmatysta. Tym nia mienš, rasiejskija aliharchi ŭžo skidvajucca hrašyma. Palityčnaja fantastyka ź biełarusami ŭ jakaści masoŭki.
Padajem ahlad skandalnaha artykułu ŭ pierakazie Newsru.com
Jak stała viadoma hazecie «Versija», niadaŭna ŭ Kramli pryniali kančatkovaje rašeńnie adnosna dalejšaha losu biełaruskaha prezydenta Alaksandra Łukašenki. U Maskvie doŭha tryvali svavolstva Baćki, ale ŭ peŭny momant tryvańnie lasnuła: damaŭlacca ź biełaruskim prezydentam stała niemahčyma, a heta stavić pad udar nia tolki biełaruska‑rasiejskuju intehracyju, jakaja bieź vidavočnych pośpiechaŭ ciahniecca ŭžo 8 hadoŭ, ale i ŭsiu rasiejskuju ekanomiku — naftahazavy tranzit idzie cieraź Biełaruś, i kali Miensk nadumaje pierakryć trubu, dla Maskvy heta moža abiarnucca značnymi finansavymi stratami. Vydańniu ŭdałosia vyśvietlić, kaho Kreml rychtuje ŭ pierajemniki adyjoznamu biełaruskamu lideru.
Padrabiaznaści scenaru, zhodna ź jakim Biełaruś uznačalić čałaviek, lajalny Maskvie nastolki, kab u najkaraciejšia terminy zavieršyć intehracyju, pakul dakładna nieviadomyja. Pavodle źviestak hazety «Viersija», 10 dzion tamu ŭ Kreml zaprasili niekalki vielmi bahatych rasiejcaŭ. Razmova ź imi była kanfidencyjnaj, havorka jšła pra toje, što niabłaha było b «skinucca» na dobruju spravu rasiejska‑biełaruskaj intehracyi i akazać finansavuju dapamohu pierajemniku Łukašenki — niejkamu Siarhieju Karakinu (Kariakinu).
(Varta adznačyć, što na biełaruskim palityčnym poli čałaviek z takim imiem nie zaŭvažany, zatoje dobra viadomy Siarhiej Kalakin, lider apazycyjnaj Łukašenku Partyi kamunistaŭ Biełaruskaj (PKB), u 2005 hodzie — kiraŭnik vybarčaha štabu kandydata ŭ prezydenty ad demakratyčnych sił Biełarusi. Partyja daŭno kanfliktuje ź ministerstvam justycyi, jakoje damahajecca prypynieńnia dziejnaści PKB).
Persona Siarhieja Karakina, jak adznačajuć «Viersii», pakul mała kamu viadomaja i ŭ Rasiei, i ŭ Biełarusi. Pavodle niekatorych źviestak, jon byŭ u kandydackaj abojmie jašče na vybarach 2001 hodu, ale tady jaho vyrašyli nie «zaśviečvać». Uvieś hety čas Karakin zajmaŭsia «pytańniami intehracyi Rasiei i Biełarusi, jakija lažać u ekanamičnaj sfery», časta byvaŭ u Maskvie i mieŭ dostup u samyja vysokija kabinety.
U «kramloŭskaha» pierajemnika jość kamanda, davoli razmaitaja: u jaje ŭvachodziać ludzi, raniej zaŭvažanyja ŭ vybarčym štabie Ŭładzimiera Hančaryka, i byłyja supracoŭniki savieckich i biełaruskich specsłužbaŭ, i navat zapisnyja «demakraty». Naziralniki sychodziacca ŭ dumcy, što mienavita takoha, nieviadomaha šyrokim kołam kandydata lahčej za ŭsio raskrucić, i zrabić heta možna ŭsiaho za paŭhodu, adznačaje hazeta.
Viadomaja biełaruskaja žurnalistka Śviatłana Kalinkina paćviardžaje, što pierajemnika Łukašenku znajšli niečakana chutka: «Važna ŭžo toje, što ŭ Maskvie, narešcie, pryznali: Łukašenka — heta nia tolki biełaruskaja prablema. A to ž raniej kryŭdavali, kali zachodniaja presa nazyvała Pucina «advakatam djabła», majučy na ŭvazie Łukašenku. Rasieja pryjšła da razumieńnia taho, što treba brać pad svoj kantrol taki stratehična važny kirunak, jak tranzyt pa biełaruskaj terytoryi nafty i hazu, chacia raniej ličyłasia, što Łukašenka ŭ hetym planie całkam zabiaśpiečvaje rasiejskija intaresy». Pavodle infarmacyi «Viersii», prarasiejskaha pierajemnika Łukašenki prezentujuć u samy blizki čas: užo na nastupnym tydni kandydat pryjedzie ŭ Maskvu, dzie ŭ jaho pryznačany šerah sustrečaŭ z samymi surjoznymi ludźmi, jakija prezentujuć jak rasiejskuju ŭładu, tak i bujny biznes.Całkam artykuł Biełapan, cytaty ź jakoha pryvodzilisia, možna pahladzieć na News.tut.by.
Siarod ich [tabłoidaŭ] u Maskvie vyłučajecca, naprykład, hazeta «Viersija», rekardsmen maskoŭskaj «čarnuchi», samaja zabojčaja zbroja medyja-hołdynhu «Sovieršienno siekrietno», zasnavanaha Arciomam Baravikom. Asablivaściu «Viersii» jość toje, što jana moža apublikavać USIO. Lubaja, navat samaja šalonaja na vyhlad ideja moža nabyć svajo zakonnaje isnavańnie ŭ hetym vydańni. Sudzicca z «Viersijaj» biessensoŭna — sama jejnaja nazva vielmi dobra tłumačyć charaktar jejnych materyjałaŭ. Usie publikacyi nosiać mahčymy, a nie faktyčny charaktar, i heta daje hazecie byccam kart-blanš na lubyja vybryki, na samuju nievierahodnuju «čarnuchu».
Hazeta, viadomaja svajoj infarmavanaściu j žurnalisckimi raśśledavańniami ŭ halinie palityki i biznesu, i sacyjalnaj sfery.
-
Maładaja siamja z Žodzina raskazała, jak u čatyry razy skaraciła vydatki na ježu
-
Cichanoŭskaja źviarnułasia da ŭkraincaŭ: My, biełarusy, viedajem, što takoje Rasija. My viedajem jaje impierskija apietyty
-
Žychary doma ŭ «Minsk-Śviecie»: Tempieratura ŭ pakojach — nižej za 18 hradusaŭ, śpim pad dźviuma koŭdrami
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary