Dackija homaseksualisty praz paŭhoda zmohuć brać šlub u carkvie, kali adpaviedny zakonaprajekt budzie ŭchvaleny parłamientam krainy, abviaściła ŭ sieradu ministerstva pa spravach carkvy.
Adpaviedny zakonaprajekt budzie ŭ najbližejšy čas ŭniesieny na razhlad u parłamient. «Usie členy Dackaj cerkvy pavinny mieć mahčymaść ŭstupać u carkoŭny šlub niezaležna ad ich aryjentacyi», — havorycca ŭ zajavie ministerstva.
«My čakajem, što pieršy carkoŭny šlub adbudziecca ŭžo letam nastupnaha hoda», — zajaviła redaktar haziety Dackaj pratestanckaj carkvy Ahard Pietersan. Pastary, zrešty, nie buduć abaviazany viančać adnapołyja pary, kali hety zakon budzie pryniaty, ale aktyvisty nie bačać u hetym prablemy.
«Adzin śviatar skaža nielha, zatoje inšy pahodzicca», — skazała Pietersan.
Danija stała pieršaj krainaj u śviecie, što lehalizavała adnapołyja šluby 1 kastryčnika 1989 hoda.