Pałata pradstaŭnikoŭ Nacyjanalnaha schodu Biełarusi pryniała siońnia ŭ pieršym čytańni zakonaprajekt «Ab uniasieńni dapaŭnieńniaŭ u Hramadzianski pracesualny kodeks Respubliki Biełaruś», jaki datyčycca ŭtylizacyi kinutych aŭtamabilaŭ.
Prajekt zakona praduhledžvaje peŭny paradak pryznańnia mašyn biezhaspadarnymi. U dakumiencie havorycca, što orhany terytaryjalnaha kiravańnia pavinny stvarać kamisii, jakija buduć składać śpiecyjalny akt ahladu na kožny kinuty aŭtamabil. Budzie ŭstanaŭlivacca ŭładalnik mašyny. Jamu nakirujuć paviedamleńnie ab tym, što na praciahu 30 dzion treba razabracca z mašynaj: abo zavieści jaje na stajanku, abo ŭtylizavać i h.d.
Kali miery nie prymajucca, praz 30 dzion pryjazdžaje evakuatar i advozić aŭtamabil na stajanku. Potym u haspadara jość jašče try miesiacy, a paśla zakančeńnia hetaha terminu prymajecca rašeńnie na ŭzroŭni suda. Kali sud pryznaje, što heta biezhaspadarnaja mašyna, adpaviednaja arhanizacyja śfiery ŽKH vyrašaje, što rabić z aŭtamabilem. U bolšaści vypadkaŭ mašyny buduć utylizavać.
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka3
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary