Dachody kansalidavanaha biudžetu ŭ Biełarusi ŭ 2012 hodzie čakajucca na ŭzroŭni Br141,8 trłn. Ab hetym zajaviŭ 6 śniežnia na pašyranym pasiadžeńni Prezidyuma Saŭmina ministr finansaŭ Biełarusi Andrej Charkaviec.
Analizujučy dapracavany prajekt biudžetu na nastupny hod, ministr paviedamiŭ, što abjom kansalidavanaha biudžetu pa dachodach składzie Br141,8 trłn. — 27,8 pracenta, uklučajučy dadatkovyja ŭ paraŭnańni z raniej pradstaŭlenym varyjantam prajekta biudžetu Br2,9 trłn., sfarmiravanyja za košt udakładnieńnia makraekanamičnaha prahnozu.
Andrej Charkaviec dadaŭ, što ŭniesienyja ŭ prajekt biudžetu karektyvy ŭdakładnili jaho abjom pa dachodach na vieličyniu, jakaja adpaviadaje rostu VUP na ŭzroŭni 105,2 pracenta, pradstaŭlenych raniej. U adpaviednaści z daručeńniem Łukašenki nazvanyja dadatkovyja dachody nie raźmierkavany pa raschodnych artykułach biudžetu, a skancentravany ŭ adpaviednych reziervovych fondach. «Heta dało mahčymaść nivieliravać ryzyki abaviazacielstvaŭ biudžetnaj śfiery, jakija pieravyšajuć mahčymaści ich realnaha finansavańnia, — rastłumačyŭ ministr. — Tym samym zachavany pryncyp zbałansavanaści biudžetu».
U nastupnym hodzie čakajecca, što jon budzie biezdeficytnym.
U prajekcie biudžetu zachavany raniej adobranyja padychody pa refarmavańniu ŭ 2012 hodzie padatkovaj sistemy krainy. U ich asnovie — źnižeńnie staŭki padatku na prybytak z 24 pracentaŭ da 18 pracentaŭ z adnačasovaj zamienaj dziejučych ilhot pa padatku na prybytak, pašyreńnie sistemy paskoranaj amartyzacyi, uviadzieńnie miechanizma pieranosu strat na budučyja prybytki biez kolkasnych abmiežavańniaŭ. «U sukupnaści hetyja rašeńni zabiaśpiečać źnižeńnie padatkovaj nahruzki na ekanomiku ŭ pamiery 0,4 pracenta VUP», — prainfarmavaŭ Andrej Charkaviec.
Płanujucca taksama miery pa spraščeńni ŭ Biełarusipadatkovaha administravańnia, adaptacyi padatkovych stavak da novych cenavych umoŭ, źnižeńniu padatkovaj nahruzki na mały i siaredni biźnies, stymulavańniu vytvorčasści vysokatechnałahičnych tavaraŭ.
Prajekt biudžetu dapracavany taksama ŭ častcy mier pa dadatkovamu padatkaabkładańniu majomaści, jakaja nie vykarystoŭvacca. Dla hetaha praduhledžana pavyšanaja ŭ dva razy staŭka padatku na nieruchomuju majomaść adnosna abjektaŭ zvyšnarmatyŭnaha niezavieršanaha budaŭnictva, niezaležna ad viadzieńnia płacielščykam novaha budaŭnictva. Adnačasova ŭvodzicca pavyšanaja ŭ dva razy staŭka ziamielnaha padatku adnosna ziamielnych učastkaŭ, zaniatych abjektami zvyšnarmatyŭnaha niezavieršanaha budaŭnictva.
