«U mory chaosu, bieźbiarežža tolki mocnaja ŭłada moža ŭtrymać krainu, zrabić nas usich narodam», — pierakanany jon. «Ale moža nam varta padkarektavać svaju palityku [asłabiŭšy prezidenckuju ŭładu]», — zadaŭsia jon pytańniem.
«Ja nikoli ŭ svaim žyćci nie karystaŭsia tym, kab siłaj utrymlivać uładu», — zajaviŭ A.Łukašenka, vystupajučy 9 śniežnia na źjeździe Biełaruskaha respublikanskaha sajuza moładzi (BRSM) u Minsku.
Pavodle jaho słoŭ, narod vybiraje prezidenta mienavita dla taho, kab jon ažyćciaŭlaŭ svaje ŭładnyja paŭnamoctvy. «Chto z vas skaža, što dziaržava pavinna hanarycca słaboj uładaj? Słabaja ŭłada nienadoŭha», — cytuje Alaksandra Łukašenku dziaržaŭnaje ahienctva BiełTA.
«U mory chaosu, bieźbiarežža tolki mocnaja ŭłada moža kansalidavać i ŭtrymać krainu, zrabić nas usich narodam», — pierakanany jon.
«Moža być, hety čas sychodzić, moža, nam treba karektavać svaju palityku [asłabiŭšy prezidenckuju ŭładu], — dadaŭ jon. — Pra heta ja ŭsio bolš i bolš dumaju sa svaimi kalehami, i prychodžu da vysnovy, što my nie pavinny stajać na miescy. I navat taja sistema ułady i pryłada našaha hramadstva nie pavinny być zastyłymi, bo nastupić zastoj, jak heta było ŭ historyi našaj vialikaj krainy.My ŭmiejem rabić vysnovy z taho, što adbyvajecca».
«My pabudujem svaju demakratyčnuju Biełaruś, dzie pierš za ŭsio budzie šanavacca žyćcio čałavieka, jaho spakoj i dabrabyt», — zajaviŭ Łukašenka.
Na jaho dumku, Biełaruś nieŭzabavie «moža apynucca adnoj z samych libieralnych krain śvietu».
«Siońnia ŭ śviecie kryzis nie tolki finansaŭ, ale i libieralnaj demakratyi.Jeŭropa nie viedaje, što rabić z buntujuć imihrantami. Finansavaja stalica śvietu Łondan trymcić ad vuličnych maradzioraŭ. Učorašnija abaroncy biaźmiežnaj voli ŭ internecie ŭžo pierahladajuć svaje pazicyi. Na hetym fonie Biełaruś chutka moža apynucca adnoj z samych libieralnych krain u śviecie», — zajaviŭ Łukašenka.
Źviartajučysia da členaŭ BRSM, jon adznačyŭ: «Dumaju, što kožny z vas karystajecca internetam. I vy sami bačycie: vas nichto ŭ im nie abmiažoŭvaje».
Internet, pa słovach Łukašenki, «robicca ŭsio bolš dastupnym i stanovicca surjoznaj častkaj nacyjanalnaj ekanomiki». Razam z tym, adznačyŭ jon, dasiahnieńniami techniki karystajucca ŭsie, «u tym liku padpalščyki buntaŭ, kampjutarnyja žuliki i terarysty». «Tamu my pavinny abaraniać našy sietki, jak heta robiać va ŭsich krainach śvietu, ad chakieraŭ, terarystaŭ i pahromščykaŭ», — pierakanany Łukašenka.
Kamientary