Prafiesar Savicki zaklikaŭ Prakapoviča admovicca ad zvańnia «Hieroj Biełarusi»
Kab źniać devalvacyju z samaha vysokaha hanarovaha zvańnia — Hieroj Biełarusi — prapanuju Vam asabista ździejśnić sapraŭdy hieraičny ŭčynak.
«Hieroj Biełarusi, hanarovaje zvańnie, vyšejšaja stupień adznaki i dziaržaŭnaja ŭznaharoda za vyklučnyja zasłuhi pierad dziaržavaj i hramadstvam, źviazanyja z podźviham, ździejśnienym u imia svabody, niezaležnaści i roskvitu Respubliki Biełaruś (Biełaruskaja encykłapiedyja, t.5, str. 193)».
Pavažany Piatro Piatrovič, vaša imia, vaša asoba ŭžo ŭvajšli ŭ sučasnuju historyju Biełarusi. Vy aktyŭna dałučylisia, ŭlilisia ŭ kamandu pieršaha prezidenta Respuliki Biełaruś, šmat hadoŭ byli kiraŭnikom Nacyjanalnaha banka Respubliki Biełaruś. Vaša karysnaja dziejnaść dla naroda budzie adekvana aceniena ŭ historyi Biełarusi.
Vy adzin ź pieršych uhanaravany ŭ suvierennaj Biełarusi samym vysokim zvańniem i ordenam — Hieroj Biełarusi. Mahčyma, heta jość vialikaja trahiedyja dla Vas.Tak stałasia, što vyniki Vašaj tearetyčnaj i praktyčnaj palityki stali katastrofaj dla žycharoŭ Biełarusi. Nie budu pryvodzić Vašy aficyjnyja zajavy, jakija, adny praź niekalki dzion, druhija praz dva miesiacy, akazalisia abmanam. Vy kinuli narod u chaos. Razburany valutny rynak.
Narod pavieryŭ Vam i Uradu i ŭ hetych umovach zachoŭvaŭ u bankach biełaruskija rubli.A ŭ vyniku devalvacyi, pa dadzienych viadomych ekanamistaŭ,
układčyki bankaŭ na rachunkach u nacyjanalnaj valucie stracili 1,3 milijarda dołaraŭ. Banki i dziaržava faktyčna kanfiskavała bolšuju častku źbieražeńniaŭ nasielnictva.Padarvana ŭ naroda samaje kaštoŭnaje — davier našaj rodnaj dziaržavie.
Tamu, pavažany Pietr Piatrovič,
kab źniać devalvacyju z samaha vysokaha hanarovaha zvańnia — Hieroj Biełarusi — ciapier, siońnia, a nie pieradavać heta rabić našym dzieciam i unukam, — prapanuju Vam asabista ździejśnić sapraŭdy hieraičny ŭčynak — admoŭciesia ad hetaj uznaharody.Pierakanany, što Vy adčujecie paśla hetaha fizičny, intelektualny i duchoŭny uzdym. Staniecie mocnym i zdarovym, maralna ačyščanym.
-
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami
-
Što Paźniak dazvalaje Trampu i nie dazvalaje Cichanoŭskaj
-
«Spačatku treba zrabić raźličeńnie z «russkim mirom». Paźniak vystupiŭ rezka suprać akcyi Cichanoŭskich u Varšavie
Kamientary