Heta praduhledžana pastanovaj Savieta ministraŭ ad 9 śniežnia 2011 hoda №1666, paviedamlaje BiełTA. Adnak tekst pastanovy pakul nie apublikavany, a ŭ pres-słužbie ŭrada BiełaPAN hetuju infarmacyju nie paćvierdzili i nie abvierhli.
Miž ty pastanovaj taksama ŭstanoŭlena hadzinnaja minimalnaja zarabotnaja płata ŭ pamiery 5.930 rubloŭ.
Miesiačnaja minimalnaja zarabotnaja płata za listapad z ulikam indeksacyi składaje 925 tys. 520 rubloŭ, hadzinnaja minimalnaja zarabotnaja płata — 5 tys. 450 rubloŭ.
Jak paviedamlałasia raniej, 7 śniežnia namieśnik premjer-ministra Anatol Tozik zajaviŭ žurnalistam, što taryfnaja staŭka pieršaha razradu sa studzienia 2012 hoda moža skłaści kala 200 tysiač rubloŭ. Jon taksama paviedamiŭ, što, akramia taryfnaj staŭki pieršaha razradu, płanujecca pierahledzieć u bok pavieličeńnia minimalnuju zarabotnuju płatu i biudžet pražytačnaha minimumu, jakija, u svaju čarhu, paciahnuć pavieličeńnie dapamoh i inšych vypłat.
U kastryčniku taryfnaja staŭka pieršaha razradu, na padstavie jakoj raźličvajecca apłata pracy rabotnikaŭ biudžetnych arhanizacyj, była pavialičanaja na 28% — sa 118 da 151 tysiač rubloŭ.
