Čarhiniec: my rekamiendujem adkryć kursy biełaruskaj movy u kožnaj arhanizacyi
«Dziela hetaha na hadzinu možna skaracić pracoŭny dzień», — miarkuje staršynia łukašenkaŭskaha Sajuza piśmieńnikaŭ.
Staršynia łukašenkaŭskaha Sajuza piśmieńnikaŭ Mikałaj Čarhiniec daŭ čarhovaje intervju «Sovietskaj Biełoruśsii». Jon vykazaŭ niekalki inicyjatyŭ, datyčnych dziaržaŭnaj padtrymki biełaruskaj movy.
«My ŭnieśli prapanovu pavialičyć hanarary biełaruskamoŭnym aŭtaram.
U vyšejstajačyja instancyi nakiravali prajekt rekamiendacyi arhanizacyjam usich formaŭ ułasnaści, ci to vajskovaj častcy ci firmie, adkryć kursy biełaruskaj movy.Mahčyma, dziela hetaha navat varta na hadzinu skaracić pracoŭny dzień, — zajaviŭ Čarhiniec. — Ale rabić usio heta treba nienaviaźliva, taktoŭna, nikoha siłkom nie prymušajučy. Treba padumać pra toje, kab PDV na biełaruskija knihi, i biełaruskamoŭnyja ŭ pryvatnaści, byŭ nižejšym, čym na rasijskija vydańni».
Čarhiniec nibyta i sam pačaŭ čas ad času pierachodzić na biełaruskuju movu. «Kali ja vystupaŭ na apošnim źjeździe SPB, to pieršuju častku dakładu pačaŭ
Apładziravali biełaruskamoŭnyja kalehi. Rasiejskamoŭnyja maŭčali.Treba hetu miažu ścierci. Kab na moŭnaj hlebie nie ŭźnikała varožaści», — raskazaŭ jon.
Reakcyja biełaruskamoŭnaj supolnaści na vykazvańni Čarhinca pazityŭnaja. Staršynia Tavarystva biełaruskaj movy Aleh Trusaŭ zajaviŭ «Našaj Nivie», što sam hatovy schadzić i vystupić na pradpryjemstvy.
Ciapier čytajuć
Jak u halečy śpivałasia radnia Łukašenki? Małaviadomyja fakty48
Kamientary